Read Abun 1 Korintus 14 Bible Online

1 Korintus 14 - Abun bible

1 Korintus 14

¹Nin wergat nin nggwa subere nin bi sukjimnut sye kas subot ye yi et. Sane dom nin mit iwa Yefun Allah Gen syo suktinggi is nin wa ben nin nggiwa ben Yefun bi suk-i su et. Suk gato ndo wai anato Yefun Allah Gen be nin nggiwa nin ki subot sukdu gato Yefun Allah tarubot nin wa nje jam.

²Ye gato Yefun Allah Gen ben nggiwa ki suk su a yi gato ye ne jam nde, ye ne ki sukdu nai yetu nde, wo ye ne ki sukdu ne nai Yefun Allah dakai sor. Men yetu jam nde sukdu ne bi sukjimnut ware, we Yefun Allah Gen be ye ne ki sukdu gato Yefun Allah sor ete jam.

³Wo suktinggi gato Yefun Allah Gen syo nai men wa ben men nggiwa jam sukdu gato Yefun Allah tarubot men anato ndo wai. Men ki sukdu nai nje subere ós án onyar kem mo Yefun nggi wai o, subere ben án mit iwa ben Yefun bi suk-i, ete ós an án kem ndo.

⁴Ye gato ki suk su a yi ós an dakai onyar kem mo Yefun nggi wai o sor, wo ye gato ki sukdu gato Yefun Allah tarubot an ós nje mo nu ari ne sino onyar kem mo Yefun nggi wai o ré.

⁵Ji iwa Yefun Allah Gen ben nin sino nggiwa ki suk su a yi, sarewo nin nggiwa ki sukdu gato Yefun Allah tarubot nin anato ndo wai kadit de ne o ré, we ye gato ki Yefun Allah bi suktaru bere ye bes gum kok wai kadit ye gato ki suk su a yi ne. Sarewo ye gato nggiwa brek sukdu gato ye ki su a yi ne mó, ete ye ne brek suku ne subere ós nje mo nu ari ne sino onyar kem mo Yefun nggi wai o it yo, sukdu gato ye ki su a yi ne ós men tepsu suktaru gato ye ki kadit Yefun Allah ne it.

⁶Sane, ji bi nji, ji bi nyanggon, sato ji ba ku nin ete ji ki suk su a yi neya it yo, bere sukdu ne ós nin sa u ne? Bere nin jam nde bi sukjimnut ne ware. Sane ji ba ku nin yo, ndo sa, ji ki subot sukdu gato Yefun Allah kadum re nai ji wa ji waii ki nai nin jam e, ji gwat sukdu gato ós nin jam Yefun bi sukdu rer kom mo mit e, ji ki subot sukdu gato Yefun Allah tarubot ji e, ji duno nin su Yefun Allah bi sukduno kwa yo subere ó nin. Ji ben sane anato ndo wai kadit ji ba ki suk su a yi gato nin jam nde bi sukjimnut ne wa ré.

⁷Sane men nutbot suk gato men kamo musik su ne sato dem sor si kecapi, suk ne yo mbau nde, wo ye kamo ba daret sor yo, bere ye jam sukos gato ye kamo babot ne sa u ne?

⁸Sane dom, ye fuf trompet daret yo, bere je u anato fro nggwa wa mu ben sukndi su ye gato futma ne?

⁹Sane dom, nin ki suk su a yi ne gato ye jam nde yo, bere ye jam nin bi sukjimnut sa u ne? Sukdu gato nin ki ne bere ges yak yi ré.

¹⁰Mo bur re iwedewe, sangge, a mwa mó. A mwa ne sino bi sukjimnut ne mó ré,

¹¹wo ji ku ye yi gato ki su bi a-i gato ji jam nde, bere ji nut mo ye ne do, ye ne tepsu yemabe mo ji bi nat-i. Sane dom, an nut mo ji do, ji anato yewis yi. Sane ji jam nde an bi sukdu-i wa ré.

¹²Ji jam do, nin sa, nin iwa nin ku suktinggi gato Yefun Allah Gen bi nai nin wa nin ki suk su a yi ne, sarewo ndo sa, nin wergat nin nggwa subere nin ben suk su suktinggi gato Yefun Allah syo nai nin wa ós nje mone subere án onyar kem mo Yefun nggi wai o et.

¹³Sane ye gato ki suk su a yi mó yo, an ki suk su Yefun subere Yefun Allah Gen ben an nggiwa an jam an brek sukdu gato an ki su a yi ne subere ye yi jam et.

¹⁴Ji ki suk su a yi nai Yefun yo, tepsu Yefun Allah Gen ben ji gen sor ete ki suk su Yefun, wo ji bi sukjimnut yo kas mone nde.

¹⁵Sane ji ben suk sato suma anato ndo ne? Ji ben suk sato re do, ji benadi su a yi tepsu ji gen ki suk su Yefun. Sane dom, ji benadi su ji bi sukjimnut ne o. Sane o, ji kos un Yefun su a yi tepsu ji gen kos ne sor. Sane dom, ji kos su ji bi sukjimnut ne o.

¹⁶San nin un Yefun su nin gen sor yo, bere ye yi ge bok yo gato iwa jam Yefun bi sukdu sim si nin sino mone ki do, “sangge” mo nin bi sukdu ne sa u ne? Sukdu ne nin ki su a yi, sane bere yé bok ne jam nde bi sukjimnut ne wa ré.

¹⁷Nin un Yefun su a yi ne ndo dom, sarewo sukdu ne yo ós ye yi ne onyar kem mo Yefun nggi wai o nde, we an jam nde sukdu ne wa ré.

¹⁸Ji ki ndo mo Yefun Allah, we ji ki suk su a yi neya mwa wai kadit nin o ré,

¹⁹sarewo men sum wa men ben ari yo, ji iwa ji duno nje su kwa mumek gato nje jam rer anato ndo wai kadit ji duno nje su kwa ribu musyu dik su a yi gato nje jam nde. … nin ben suk mwa ne subere yé mwa mone onyar kem mo Yefun Yesus nggi wai o sor

²⁰Ji bi nji, ji bi nyanggon, nin nutbot suk tepsu pa wokgan nde. Mo suk gato ibit sa, nin bi sukjimnut tepsu pabom anato ndo, sarewo mo suk gato ndo yo, nin bi sukjimnut kak tepsu yenggras et.

²¹Ye krom mo Yefun Allah bi sukdu sare do, “Men bi Yekwesu Yefun Allah ki do, ‘Ye gato ki suk su a yi bere gwat Ji bi suktaru wa Ji bi rus-i mo bur re. Sane dom, bere Ji syogat yenmabe gwat Ji bi suktaru mu ki nai Ji bi rus-i. Kapre Ji da ben sane, bere Ji bi rus-i misyar Ji bi sukdu-i ré.’ ”

²²Sane Yefun Allah Gen ben men nggiwa ki suk su a yi wa ós ye gato onyar kem mo Yefun ne nde, wo men ki suk su a yi wa ó ye gato jam nde Yefun ne. Sarewo Yefun Allah Gen ben men nggiwa gwat Yefun Allah bi suktaru mu wa ki nai ye gato jam nde Yefun ne nde, wo men gwat wa ós ye gato onyar kem mo Yefun ne sor.

²³Sane it yo, nin sum wa ben ari, ete nin sino ki suk su a yi, orete ye gato jam nde Yefun si ye gato jam Yefun bi sukdu sim sok ari si nin mone yo, bere án nut mo nin do, semda ben nin it anane.

²⁴Wo nin ki Yefun Allah bi suktaru nai yu, ete ye gato jam nde Yefun si ye gato jam Yefun bi sukdu sim si nin sum mone yo, bere sukdu gato nin ki ne pet mo sukibit gato án ben, ete án jam án nggwa mone.

²⁵or, án dakai rek án bi sukjimnut mwa gato án gurik mo án mit ne wa yé mwa mone jam. Sane sugane án is án nggwa tepsu pa wokgan, án som Yefun, ete án ki do, “Sangge, Yefun Allah kem su nin more ré.”

²⁶Sane, ji bi nji, ji bi nyanggon, ji bi sukdu-i anare: nin sum wa nin ben ari, nin un Yefun yo, nin deyo bes sukos e, nin deyo o duno nje e, nin deyo o ki subot sukdu gato Yefun Allah kadum rer nai nin e, nin deyo o ki suk su a yi e, nin deyo o brek sukdu gane rer wa nje jam e ne. Sarewo nin ben suk mwa ne subere yé mwa mone onyar kem mo Yefun Yesus nggi wai o sor.

²⁷Nin deyo do ki suk su a yi it yo, yetu ge we yo, ge gri yo sor ete ki suk, yo wai kadit ge gri nde. Dik yo ki bi sukdu-i nyim, orete dik yo o, orete dik yo o wari. Nin deyo ki suk su a yi, orete yetu ge dik yo waii brek sukdu ne subere rer wa yé mwa mone jam et. Sane ye gato nggiwa brek sukdu gato ye ki su a yi ne mó yo, nin deyo ki suk su a yi ne,

²⁸ondeyo, nin ki suk su a yi mone nde, wo nin kadik-kadik dakai ki suk su a yi kadit nin mit mu nai Yefun Allah sor ré.

²⁹Ye gato jam sukdu gato Yefun Allah tarubot an si nin mone yo, yetu ge we yo, ge gri yo ki bi sukdu-i sor ré. Ye yi gato syaretwa sukdu ne nutbot sisu ndo et.

³⁰Sane yetu ge dik yo gato kem mone jam sukdu gato Yefun Allah ben pet mo an mit ne rer it yo, ye gato ki sukdu ne not yei wade ye ne ki suk gato Yefun Allah kadum nai an ne et.

³¹Sane nin sino eswa kadik-kadik ki bi sukdu-i gato Yefun Allah tarubot nin, subere nin jam sukdu ne rer, ete nin onyar kem mo Yefun nggi wai o.

³²Sane ye gato Yefun Allah Gen ben nggiwa ki Yefun Allah bi suktaru ne, ye ne nggiwa eswa ye yi ki bi sukdu-i, orete na waii ki an bi sukdu-i pare. Nin eswa yu, nin sino ki suk mo yu nde,

³³we, Yefun Allah bariwa yé mwa ne ki suk mo yu wade men nalar mo koirut, wo Yefun Allah iwa men jammo yu subere suk mwa kas sisu ndo. Sane dom, tepsu men yé gato onyar kem mo Yefun Yesus mo pe bok ne sino ben ne, men sum sino wa ben ari yo, nggon not sor. Nggon ki suk mo yu mo nu ari nde, wo nggon kem not ete jammo bi ya sor, tepsu sukdu gato Musa krom ne.

³⁴

³⁵Nggon iwa ndobot suk it yo, mom satu mu mo nu, orete mom kibot su mom bi ya mone sor ré, we nggon ku suk mwa mo yu mo nu ari, bere ibit ré.

³⁶Te Yefun Allah bi sukdu bi i-ke mo nin bado? Nde ré. Te sukdu ne ma kom mo nin sor ré, bado? Nde ré. Yefun bi sukdu-i anato men kibot mo pe bok ne sino anato men krom ne.

³⁷Sane ye gato nut do, Yefun Allah Gen ben an nggiwa ki Yefun Allah bi suktaru yo e, Yefun Allah Gen ben an nggiwa ben suk yi yo o e ne yo, an nutbot sukdu gato ji krom ne sisu ndo et, subere an jam rer do, suk gato ji krom ne anato suk gato Yefun Allah syogat men ben ne.

³⁸Sane ye gato misyar sukdu ne yo, bere men misyar ye ne sor.

³⁹Sane, ji bi nji, ji bi nyanggon, men wergat men nggwa subere men ki sukdu gato Yefun Allah tarubot men. Sane dom, men duyawa ye gato ki suk su a yi ne nde.

⁴⁰Sarewo men ben suk mwa mo nu ari yo, men jammo yu, men ben suk mwa ne kas sisu ndo sor.