Read Abun 2 Korintus 12 Bible Online

2 Korintus 12 - Abun bible

2 Korintus 12

¹Ji dakai un ji dakai mo tó. Ji dakai un ji dakai yo ós ji nde, sarewo ji iwa ji krom sukdu subot suk gato Yefun Allah kadum rer nai ji tepsu ji semda ku suk ne. Suk ne sor nde, wo Yefun Allah ben ji dakai jam suk rer mo ji dakai dom ré.

²Ji dakai jam ye Kristen ge dik yo, suga tahun musyu dik sop at nyim ne, an it mu mo gu kom mo pe gato kok wai o ré. (Ji jam nde, an kaim sangge anato it mu mo gu bado, an me suk ne tepsu an semda ku sor bado, ji jam nde wa, wo Yefun Allah sor ete jam.)

³Ji ki wam dik yo o et, ji jam do ye gare, sangge mu kom mo Yefun Allah bi pe gato ndo ne, orete an ma o ré. (An kaim sok mone bado, an me pe ne tepsu an semda ku bado, ji dakai jam nde wa, wo Yefun Allah sor ete jam.)

⁴Mo Yefun Allah bi nat-i gato ndo mo gu ne, ye gare jam sukdu subot sukyo-sukyo, sukdu ne kru teker, bere ye yo nggiwa ki sukdu ne su yetu mo bur re bi a-i yo mo nde. Sukdu ne, Yefun Allah dumik wa ye ne, subere an yo kibot o nde.

⁵Ji dakai un ye gato ku sukdu ne mo gu, ji nut do, ye ne sa, ku suk gato ndo wai, wo ji dakai sor yo un ji dakai mo suk yo nde. Ji yo ki subot ji dakai subere ye un ji nde, wo ji ki subot ji dakai subere ye jam do, ji re anato ye gato ben bi suk-i yo nggi nde.

⁶Ji iwa ji dakai ki subot ji dakai subere ye un ji gum yo, bere ji yo ki subot ji dakai tepsu ye gato jimgon kibot suk nde, wo bere ji kibot suk gato ji dakai ben ne ri-roi sor. Sarewo ji mewa ji nggwa kadit ji ki subot suk gato Yefun kadum nai ji tepsu ye gato it mu mo gu ne ku, sawe yé bes ji gum kok daret mone. Ye bes ji gum kok daret tepsu suk gato ji ben e, suk gato ji ki e ne sa, ndo anane, sarewo ye bes ji gum kok wai kadit ne, bere ji bariwa ré.

⁷Sarewo ji ku sukye mo ji kaim tepsu jak gato wai ji ete ngga mo ji ku ne it, subere ji yo bes ji nggwa kok teker mo suk mwa gato ndo wai gato Yefun Allah kadum rer nai ji ne nde. Sukye gato ji ku ne tepsu biris bi yekwesu bi kwesukwam gato an kwam ji su ne, subere ji mit at teker eta nde.

⁸Ji ndek mo Yefun Allah su ji mit dik si ji onyar dik sor kom mo wam gri subere An nai sukye gato tepsu jak ne wé kadit ji, 3 Yefun ki do, “Bere Ji dakai mewa nan sor, tep it anane.”

⁹ware, Yefun Allah yo nai nde, wo Yefun ki do, “Bere Ji dakai mewa nan sor, tep it anane. Mo sukye gato nan ku wade nan yo nggi o nde yo, bere Ji bi suktinggi bor sye kas subot nan mone o ré.” Sane ji iwa ji ki subot pe gato ji yo nggi nde, we ji jam do, bere Kristus bi suktinggi bor sye kas subot ji mone o ré.

¹⁰Sane anato mo pe gato ji yo nggi nde, bere Kristus bi suktinggi bor mone tó. Ji ben Kristus bi suk-i yo, ji iwa ji ku sukye mone, ji iwa yé kabor ji gum ket kwayo-kwayo e, ji ku sukye e, yé werwa yé gu ji mo Yefun Allah bi suk-i e, ji yewa sukyo-sukyo e ne. Mo sukye bok ne, ji yo nggi o nde yo, bere Kristus bi suktinggi bor sye mone, ete ben sato ji nggi wai kadit sukye gato ben ji rere ne o ré.

¹¹Mban! Ji ki ji bi sukdu-i tepsu ye gato jimgon ne it anane. Nin ye Korintus gwawa ji gum ne sa, bere ji yo krom sukdu daret sane nde. Nin un ji gum wokgan mo sa, sarewo yé bok yo gato gwat bi sukdu-i ma ne, nin dakai bes yé bok ne gum kok daret, orete nin kendo yé bok ne gum yerasul gato ndo wai o ré go! Sarewo nin nutbot ji sisu ndo et, ji gum-i da wok mo bur, sarewo ji gum-i yo wok mo bur wai kadit yé bok gane gum-i ne nde, án ben án bi suk-i yo ndo wai kadit ji mo nde ré.

¹²Ji si nin kem mone sino sa, nin dakai me suk mwa gato ji ben su nin ré, nin dakai me su nin gro ré. Mo suk mwa ne ji kadum Yefun bi suktinggi bor wa nin dakai me. Ji ben Yefun Allah bi suk-i mwa gato ben nin yeket e, ji ben suk mwa gato nin nutbot ware, nin yo jam kom mo koirut nde. Suk mwa gato ji wergat ji nggwa wa ji ben ne nin dakai me ré. Sane nin jam do, ji sa, ji anato yerasul gato sangge, we yerasul sor ete ben bi suk-i sato ji ben ne.

¹³Suk sato suma anato ji ben mo nu ari yi ne, ete ji yo ben su nin nde ne? Ji ben suk tepsu yerasul mo nu ari bok ne sino, wo suk dik sor anato ji yo ndek sugum mo nin nde. Ji yo ndek sugum mo nin nde anato nin nut do, ji ben suk gato ibit anane bado? Mban! Ji dakai ben suk ne ibit ko ré go! Sane nin misyar sor, nin maskwa ji o nde, nin nutbot suk ne o nde.

¹⁴Ji fro wa ji ba ku nin su nap dogri anare. Ji do ba yo, bere ji yo ndek suk mo nin nde ré. Ji yo ba wa ji ndek suk mo nin dom nde, wo ji ba ku nin subere nin kak nin mit wa ji et. Ji iwa ji tepsu nin bi yenggras, ete ji ós nin mo suk gato nin yewa ne. Sane nin yo meret suk wa syo nai ji nde, we sare, pa mwe yo syeret suk wa bi nai bi yenggras nde, wo yenggras anato ós an bi pa sor.

¹⁵Sane anato ji mit iwa ji syo ji bi suk mwa ne sino wa ós nin sor, or o ji bi ji nggwa wa nin dom. Ji bi sukjimnut sye kas subot nin ndo nde, wai kadit nin bi sukjimnut kas subot ji ne o ré. Sane anato nin bi sukjimnut kas subot ji yo sye mone o nde anato ndo bado? Sane nde! Nin bi sukjimnut sye kas subot ji dom ete ndo.

¹⁶Ji si nin mone, nin jam do, ji yo ndek suk mo nin mo nde, nin sino jam ware. Sarewo ji jam do, yé bok yo ma kiket ji gum mone do, ji yo ndek sugum mo nin nde anato mone ji meret os wa nin ko ne. Yé bok ne ki do, ji kidar nin mone, ben sato ji re bus wa nin yé mó, subere nin ku sukye mo koirut, ete ri ma nin syo suk mwa nai ji o ré. … ji mit iwa ji syo ji bi suk mwa ne sino wa ós nin sor, or o ji bi ji nggwa wa nin dom. Ji bi sukjimnut sye kas subot nin ndo nde

¹⁷Ji ben suk ne mo u ne? Yo mo nde! Ji meret os wa ku suk mo nin yo mo nde. Ji meret os wa ku suk anato ji syogat ye yo ba ku nin ndek suk mo nin mone bado? Mo nde!

¹⁸Ji syaugat Titus si ye Kristen yi ge dik yo gato tepsu men bi nji, an we ba ku nin mone, ete Titus meret os wa ku suk yo kadit nin bado? Yo mo nde, we ji si Titus, men ka we bi sukjimnut-i ne dik mo suk gato men ka we ben ne sor, men ka we ki men bi sukdu-i ne tepsu yu, yo tara kadit yu mo nde ré. Men ka we yo iwa ndek sugum mo nin mo nde.

¹⁹Ji bi nji, ji bi nyanggon gato ji jimnotku, mo suk mwa gato men krom mo surat re, nin nut do men anato gwawa men gum bado? Sane nde, wo men krom men bi sukdu-i ne, Yefun Allah sor dakai jam suk mwa gato men krom ne, men krom tepsu Kristus mit ré. Suk mwa gato men krom re, men krom subere nin onyar kem mo Yefun nggi wai kadit nyim ne o ré. Suk mwa gato men krom re, men krom subere nin onyar kem mo Yefun nggi wai kadit nyim ne o ré

²⁰Ji nokwa sawe, ji ba ku nin yo, nin ben nin bi suk-i tara kadit pe gato ji mit iwa ne, ete bere ji dom ben ji bi suk-i tara kadit pe gato nin mit iwa ne. Ji nokwa sawe, ji ku nin yo, nin ben nin bi suk-i sato re: nin ki suk ot is yu e, nin maskwa ket yu mo sukndo gato nin deyo ku e ne, nin on sa ket yu ete nin ben sukndi e, nin brek nden we e, nin ki yu ket kwayo-kwayo, nin ki sukwok mo yu e, nin bes nin nggwa kok e, nin ba daret ete ben yé mwa gato sum ne nalar e ne.

²¹Ji nokwa sawe, ji do ba ku nin yo, bere Yefun Allah ben ji damen mone. Ji nokwa sawe, ji do ba ku nin yo, bere ji wo subot nin yé mwa gato nyim ne ben sukibit, wo su re, án yo kwet kadit sukibit ne mo nde tó, wo sukibit ne kas tó sato ré: án da bro wa án ben sukdaret ket án i e, yebris si nggon iwa ben siri su yu daret e, án ben suk siri dakai daret bu e ne sor.