Read Abun 2 Korintus 4 Bible Online

2 Korintus 4 - Abun bible

2 Korintus 4

¹Yefun Allah dakai jimnotku men anato An bes men wa men gwat Yefun bi sukduno-i mu ki nai nje jam. Sane men misyar wokgan yo dom nde, men kibot sukdu ne petok sor.

²Men duno nje yo, men yo gurik os gato sangge kadit nje nde. Men do ben sane bere men damen mo koirut o ré. Sane men duno nje yo, men yo meret os mone dom nde, men bariwa ré. Men yo ki subot Yefun Allah bi sukdu-i brek tara kadit An bi sukdu gato sangge ne nde, wo Yefun Allah dakai jam do, men ki subot An bi sukdu-i ne ri-roi sor, subere yé mwa ne sino onyar kem mo men bi sukdu-i ré.

³Men da ki subot os ndo gat Yesus Kristus kak wa men yetu ne nai nje jam, sarewo yé deyo gato bere ges mo bot gesyos, yé ne bi sukjimnut yo kak wa but sukdu ne nde.

⁴Yé gato jam nde Yefun yo, bere án yo but sukdu ne ri nde, we biris bi yekwesu gato bes nggwa kok ete werwa jom yetu mo bur re ne rai yé ne bi sukjimnut-i ne krat mo ndendu bi suk-i ré. Sukdu subot os ndo gato Yesus Kristus kak wa men yetu ne bi suktinggi bor mo bur re tepsu sukru sye wa men, Kristus kadum Yefun Allah rer wa men jam, sarewo biris bi yekwesu ben suk yawa yé gato jam nde Yefun ne anato yé ne yo jambot sukdu ne nde.

⁵Sukdu gato men ki subot re, men bes men nggwa tepsu yekwesu mone nde, wo men ki subot Yesus Kristus, An anato men bi Yekwesu, men anato tepsu An bi pakwerut wa men ós An bi rus-i sato nin.

⁶Yefun Allah ki bi sukdu-i do, “Nyot rer ku pe gato ndendu ne et,” sane Yefun Allah anato tepsu rer gato ku men mit ré, anato men tepsu An bi pakwerut. Rer ne ku men mit, ete kak men bi sukjimnut subere men jam Yefun Allah bi suktinggi gato bor mo Yesus Kristus sugato An gwat os be ne ma. … men anato tepsu sukbo bur ndak gato Yefun Allah bok bi suktinggi mó

⁷Sarewo men anato tepsu sukbo bur ndak gato Yefun Allah bok bi suktinggi mó. Sukbo ne yo nggi nde, men kaim dom yo nggi nde, wo Yefun bok bi suktinggi mo men kaim subere yé jam do, suktinggi ne yo ma kadit men dakai nde, wo suktinggi gato nggi wai ne ma kadit Yefun Allah ka dik sor.

⁸Or o, men ku sukye mo men kaim, yé ben sukye nai men ket kwayo-kwayo, sarewo sukye ne yo ben men ibit mo koirut nde. Sukye ne da waiyu men, sarewo men yo misyar sukdu gato men ki subot ne nde, wo men ki subot Yesus Kristus bi sukdu-i pe sor.

⁹Yé mwa da maskwa men, sarewo Yefun Allah yo misyar men nde ré. Yé da gwa men ges gwa bur, sarewo men yo kwop nde.

¹⁰Sukye gato Yesus Kristus ku ne sor kom mo An kaim-i kwop ne, men waii ku sukye sane mo men kaim-i petok sor. Men ku sukye mo men kaim budat tepsu Yesus Kristus ku ne subere men ben men bi suk-i mo bur re tepsu Kristus ben An bi suk-i bor wa yé mwa me.

¹¹Men kem mo bur re men ku sukye, we men ben Yesus Kristus bi suk-i, karowa men kwop rok sane pe sor. Men ku sukye mo men kaim budat tepsu Yesus Kristus ku ne subere men ben men bi suk-i mo bur re tepsu Kristus ben An bi suk-i bor wa yé mwa me.

¹²Sane men ben Yesus Kristus bi suk-i sa, bergan men kwop rok mone, wo nin sa, nin jammo sukdu gato men ki ne anato nin kem ndo mone o ré. … tepsu Yefun Allah sun men bi Yekwesu Yesus Kristus bere An waii sun men si nin sino kadit sukkwop

¹³Men ben Yefun bi suk-i sa, men nutbot suk gato ye krom mo Yefun Allah bi sukdu sare do, “Ji onyar kem mo os gato Yefun Allah tom su men ne anato ji iwa ji ki subot os ne.” Men dom, onyar kem mo os be gato Yesus Kristus kak wa men ne, sane anato men kibot os ne su men mit dik si men onyar dik sor.

¹⁴Men iwa men kibot os ne, we men jam do, Yefun Allah sun Yesus Kristus kadit sukkwop. Sane tepsu Yefun Allah sun men bi Yekwesu Yesus Kristus bere An waii sun men si nin sino kadit sukkwop, ete An gwat men sino mu kom mo Yefun Allah bi nat-i ne, men jam ware. Sane men iwa men ki subot Yefun bi os be ne.

¹⁵Men iwa men ki subot os ne bi sukdu-i subere nin ku os gato ndo mone. Sane o, bere sukdu subot os ndo ne, gato Yefun Allah dakai syo yi is men, bere yé mwa waii jammo sukdu ne o, ete mone bere yé mwa ne un Yefun sane sor, yé bes Yefun Allah gum kok wai o ré.

¹⁶Sane men ki subot Yefun Allah bi sukdu-i gat sor, men yo misyar nde. Men da kridek re yo nggi nde, bere ibit o ré, sarewo men da gesyos sa, kamdik-kamdik nggi wokgan yo o, wokgan yo o, sane sane sor bere kom mo koirut men da gesyos nggi wai o ré. Sane men kwabom dek subot sukye gato men ku ne nde. … men bi sukjimnut sye mo suk gato bere men ku mo gu, gato men yo me su men gro nde tó

¹⁷Sukye wokgan gato men ku su re, su kam sari ne ma bere kak os wa gwat men mu kem mo pe gato gesyos gato ndo wai o ré. Sane men kem mo bur re yo, men nut do, sukye gato men ku ne, suk yo nde, we bere men kem gesyos mone tó.

¹⁸Sane men bi sukjimnut sye mo sukye gato men ku mo bur re nde, wo men bi sukjimnut sye mo suk gato bere men ku mo gu, gato men yo me su men gro nde tó, we suk gato men me su men gro ne, bergan sor eteyo or wé kadit men o ré, wo suk gato men yo me su men gro nde tó, bere kem to kapyo mato kapyo.