Read Abun 1 Tesalonika 3 Bible Online

1 Tesalonika 3 - Abun bible

1 Tesalonika 3

¹Men iwa men ba ku nin mo Tesalonika, men mit iwa men ku nin. Sukjimnut ne ben men wade men yo ndo o nde, sane anato men ka gri nut do, ndo sa, men ka we wadigan kem mo kota Atena,

²ete men syogat men bi nji, Timotius ba ku nin mo Tesalonika. Timotius re, Yefun Allah bes an ben suk si men ka we wa mu ki sukdu subot os ndo gato Yesus Kristus kak ne. Men syogat an ba wa ós duno nin subere nin onyar kem mo Yefun Yesus nggi wai o.

³Sane kapre men sino ku sukye, nin yo brek kadit Yefun bi os-i nde. Nin dakai jam do, Yefun Allah fro sukye wa men sino ku ré.

⁴Tomgato men si nin kem mone sino tó, men ki sukdu nai nin sare do, bere men sino ku sukye. Sangge, sukye ne bor it, nin dakai jam ré.

⁵Sane ji jimnotbot nin ndo nde anato ji syogat Timotius ba ku nin mone. Ji syogat an ba ku nin subere an jam kret nin do, nin onyar kem mo Yesus Kristus tó bado nde e? Ji nokwa sawe biris bi yekwesu meret os wa nin wade ben nin ges mo os ibit ré. Sane bere suk mwa gato men ben su nin yo ós nin o nde.

⁶Su re Timotius satu ma more ré. An ma ki nai men do, nin onyar kem mo Yesus Kristus tó, nin bi sukjimnut sye kas subot yu tó, sane men mit iwa sukdu ne. An ki o do, nin jimnotbot men ndo nde. An ki do, nin mit iwa ku men, tepsu men dom, men mit iwa ku nin.

⁷Saneyo, men bi nji, men bi nyanggon, kapre men ku sukye mwa gato ben men kwabom dek bot suk mwa neya, su re men mit ndo satu, we men jam do, nin onyar kem mo Yesus Kristus sor, nin yo brek kadit Yefun bi os-i nde. … kapre men sino ku sukye, nin yo brek kadit Yefun bi os-i nde. Nin dakai jam do, Yefun Allah fro sukye wa men sino ku ré

⁸Sane, re ne, men mit ndo wai o ré, men kem sisu ndo sor, we men jam do, nin onyar kem mo Yesus Kristus pe sor, nin si Yefun tepsu yedik ré.

⁹Men jam sukdu subot nin sa, men mit at wa, sane men ki ndo mo Yefun Allah wa nin, men ki ndo mo An sor, bere yo or nde.

¹⁰Noru nombrak men ki suk su Yefun Allah, subere Yefun kak os wa men ba ku nin satu o, subere men duno ni subot suk gato nin yo jam ri nde tó, subere nin onyar kem mo Yesus Kristus nggi wai o et.

¹¹Men bi Ai, Yefun Allah dakai, si men bi Yekwesu Yesus Kristus ete fro os wa men ba ku nin mone et. Yefun ete ben nin bi sukjimnut sye kas subot yé mwa ne sino sye wai kadit nyim neya, tepsu men bi sukjimnut sye kas subot nin ré

¹²Men bi Yekwesu Yefun Yesus ete ben nin wade nin bi sukjimnut sye kas subot yu mwa o et. Yefun ete ben nin bi sukjimnut sye kas subot yé mwa ne sino sye wai kadit nyim neya, tepsu men bi sukjimnut sye kas subot nin ré.

¹³Sane bere Yefun ben nin mit kem mo Kristus nggi wai o, subere men bi Yekwesu Yefun Yesus si ye gato sok mo An bi nje-i ne, satu ma mo bur re yo, bere nin ti mo men bi Ai, Yefun Allah gwem, ete bere nin tepsu ye gato ben nin bi suk-i ndo sor, kwa gato ibit yo mo nde.