Read Abun Yakobus 2 Bible Online

Yakobus 2 - Abun bible

Yakobus 2

¹Ji bi nji, ji bi nyanggon, nin onyar kem mo men bi Yekwesu Yesus Kristus gato gum kok sye wai o ré. Sane nin ben suk su yetu mwa ne sino tepsu yu et, nin bes deyo gum kok wai kadit deyo daret nde, wo nin ben suk su yé mwa ne sino tepsu yu et.

²Ji gwat sukamno wa nin sare do, sato yetu ge dik yo gato ku suk mwa ma si nin sum sino mo nu ari, ete an it cincin emas si san gato ndo ne. Or o yetu ge dik yo o gato yewa suk waii ma si nin sum mone o. Ye ne, an bi san ibit, san ne toko mo an da.

³Orete ye gato it san gato ndo ne, nin ben sukndo wai su ne, ete nin ki nai an do, “Yenggras, nan ma nan kem mo kursi gato ndo re et.” Sarewo nin ki nai ye gato yewa suk do, “Nan ti mo neya sor ré,” ondeyo nin ki do, “Nan kem mone bur et.”

⁴Nin ben suk ne ndo anane bado? Nde ré, nin yo bi sukjimnut ndo kas subot ye we ne tepsu yu nde. Nin me ye we ne, ete nin nai sukjimnut mone do, dik yo sa, nin ben sukndo su, wo dik yo nin misyar sor ré. Nin bi sukjimnut ibit anato nin wat ye we ne kadit yu, ete nin ben suk su an we tara kadit yu mone.

⁵Ji bi nji, ji bi nyanggon gato ji jimnotku, nin jammo suk gato ji krom re sisu ndo et, Yefun Allah bes ye gato yewa suk mo bur re subere an bi sukjimnut kem pe mo Yefun nggi wai kadit ye gato bi suk mwa mo bur re. Sane dom, Yefun nai ye gato yewa suk ne sok mo Yefun Allah bi rus-i tepsu Yefun Allah tom su ye gato bi sukjimnut sye kas subot An ne.

⁶Sarewo nin ben sukibit su ye gato yewa suk wa suma ne? Ye gato yewa suk ne ben sukibit nai nin yo mo nde, wo ye gato bi suk mwa ne anato ben sukye nai nin, ete ye ne werwa nai nin bi suk kadit nin ne fe! Ye gato bi suk mwa ne anato but nin ete gwat nin mu mo yesukmise subere yepasye ben sukye nai nin dom. … nin onyar kem mo men bi Yekwesu Yesus Kristus gato gum kok sye wai o ré

⁷Yé gato bi suk mwa anato kiket nin bi Ai, Yefun Allah gum gato kok ne. Ye gato bi suk mwa anato kiket Yefun Allah gato nai nin sok mo An bi rus-i. Sane nin ben sukndo su ye gato bi suk mwa ne wai kadit ye gato yewa suk ne wa suma ne?

⁸Nin iwa nin benbot sukdu gato sangge it yo, nin benbot Yefun Allah bi sukdu gato Yefun Allah kiwa An bi rus-i ben ne, sare do, “Men bi sukjimnut sye kas subot ye yi tepsu men bi sukjimnut sye kas subot men dakai et.” … nin me yé bok yo, ete nin bi sukjimnut sye kas subot yé bok ne tara kadit yu mo suk gato nin me mo án ne it yo, nin ben sukibit it anane.

⁹Sarewo nin me yé bok yo, ete nin bi sukjimnut sye kas subot yé bok ne tara kadit yu mo suk gato nin me mo án ne it yo, nin ben sukibit it anane. Nin ben suk siri kadit Yefun Allah bi sukduno-i anane.

¹⁰Ye gato ben bi suk-i siri kadit Yefun Allah bi sukduno kwa dik yo sor ré it yo, an gum ibit mone it, bere an ku sukye tepsu ye gato ben bi suk-i siri kadit sukduno mwa ne sino ré.

¹¹We Yefun Allah gato ki do, “Nin ben siri daret nde,” An ki o do, “Nin gu ye yi kwop nde.” Sane kapre nin yo ben siri su nggon nde, wo nin gu yetu ge dik yo kwop it yo, nin gum ibit mone it.

¹²Sane suk gato nin ben e, suk gato nin ki e ne sino yo, nin nutbot sisu ndo et, we kam sari ne ma bere Yefun Allah ndobot nin do, nin benbot An bi sukduno bado, nde e? Yefun Allah bi sukduno-i ne anato nggiwa sombok nin wé kadit sukibit mwa gato jom nin ne ré. Sane nin ben nin bi suk-i tepsu ye gato bere Yefun ndobot tepsu An bi sukduno-i ne. Men ki su men syokwet sane sor ré, wo men yo ós an su suk gato an yé mone nde yo, bere sa u ne?

¹³Sane nin nutbot suk mwa gato nin ben sisu ndo et, we tepsu bi kam gato bere Yefun ndobot men yetu mo suk gato men ben ne, men yé gato bariwa ben sukndo su ye yi gato ben sukibit su men ne, bere Yefun waii bariwa ben sukndo su men ré. Sarewo men ben sukndo su ye yi anato ndo wai kadit men syo sukye satu nai nje mo sukibit gato yé ne ben ne.

¹⁴Ji bi nji, ji bi nyanggon, yetu ge dik yo ki do, “Ji onyar kem mo Yefun ré,” sarewo an yo benbot suk gato Yefun ki ne nde yo, bere ós an sa u ne? An dakai ki su an syokwet do, an onyar kem mo Yefun sane sor ré, bere an gum sok mo Yefun Allah bi rus-i, ete kem ndo to kapyo mato kapyo bado? Mo nde.

¹⁵Sato kamdik-kamdik men bi nji, men bi nyanggon deyo yewa san si sugit,

¹⁶ete men ki nai án do, “Yefun ete mewa nan sor. Yefun ete ós nan ku san kam wa nan it. Yefun ete syo sugit wa nan git sor.” Men ki su men syokwet sane sor ré, wo men yo ós an su suk gato an yé mone nde yo, bere sa u ne?

¹⁷Sane men ki do, men onyar kem mo Yefun, sarewo men yo ben suk gato Yefun ki ne nde yo, bere yo ós ye yo mo nde. Men syokwet wik sor ré, wo suk yo mo nde.

¹⁸Sato ye deyo ki do, “Yetu deyo onyar kem mo Yefun Yesus anato an kem gesyos. Sarewo yetu deyo o benbot suk gato Yefun ki ne anato an kem gesyos.” Wo ji ki sare do, “Ye gato ki do, an gato onyar kem mo Yefun, sarewo an yo benbot suk gato Yefun ki ne nde, nin kadum ye ga sane nai ji me et. Sane bere ji waii kadum suk gato ji ben tepsu Yefun ki ne, ete mone yé jam do, ji onyar kem mo Yefun it.”

¹⁹Nin onyar kem mo sukdu do, Yefun Allah ne ka dik sor ré, bado? Sangge! Sarewo yerom e, aboksye e, semda e ne sino onyar kem mo sukdu ne dom, ete án sino tetet mone, án nyuwa Yefun Allah ndo nde.

²⁰Nin gare jam suk nde go! Te, ji ben sa u subere nin jammo sukdu re ne? Ye gato ki do, an onyar kem mo Yefun Allah yi sor ré, wo an yo ben suk gato Yefun ki ne nde yo, suk gato an ki ne yo ós an nde. An onyar kem mo Yefun sisu sangge anane nde.

²¹Men jam sukdu subot men bi amui gato gum do Abraham. An fro an bi gan Isak mo bot kot gato yé gre suge mó wa an som Yefun Allah su. An onyar kem mo Yefun, an benbot suk gato Yefun ki ne anato an fro Isak mone. Sane anato Yefun Allah nut mo Abraham do, an sa, tep wa Yefun nai an gum sok mo Yefun bi rus-i mone.

²²Men me mone do, Abraham onyar kem mo Yefun Allah anato an ben suk gato Yefun ki ne. Suk we ne kas sino. Sane men jam kadit suk gato Abraham ben ne, sangge, Abraham onyar kem mo Yefun, kwa yo gwet mo nde. … men onyar kem mo Yefun Allah, sarewo men yo ben suk gato Yefun ki ne nde yo, men tepsu yetu gato kwop, men onyar kem mo Yefun sisu sangge anane nde

²³Suk gato Abraham ben ne, an ben tepsu Yefun Allah bi sukdu kwa dik yo gato duwe do, “Abraham onyar kem mo sukdu gato Yefun Allah ki nai an, sane anato Yefun Allah nut mo Abraham do, an sa, tep wa sok mo Yefun Allah bi rus-i it.” Sane Yefun Allah ki do, An bi yesyim mo Abraham.

²⁴Sane, su re men jam rer do, Yefun Allah nai nje sok mo An bi rus-i mo gato ye ne onyar kem mo Yefun yi sor nde, wo Yefun me mo suk gato ye ne ben dom et.

²⁵Sane dom, men jam sukdu subot nggon dik yo gato ben siri mwa. Mom gum do Rahab. Mom ós ye Israel ge bok yo gato ma ndarwa kota gato Rahab kem mone. Rahab kendo yé bok ne ma sem mo mom bi nu, orete mom syogat yé bok ne titi ket os yi kadit ye gato ma wa gu yé bok ne. Rahab ben suk ne anato Yefun nut mo Rahab do, mom sa, tep wa Yefun nai mom gum sok mo Yefun bi rus-i mone.

²⁶Yetu gato kaim mó, sarewo an gen mu kadit it yo, an yo mbau o nde, ye ne kwop it anane. Sane dom, men ki do, men onyar kem mo Yefun Allah, sarewo men yo ben suk gato Yefun ki ne nde yo, men tepsu yetu gato kwop, men onyar kem mo Yefun sisu sangge anane nde.