Read Abun 1 Petrus 1 Bible Online

1 Petrus 1 - Abun bible

1 Petrus 1

¹Ji gato gum do Petrus, gato Yefun Allah syogat mu ben Yesus Kristus bi suk-i win Yesus Kristus mo bur re tepsu Yesus Kristus bi yerasul, ji anato krom surat re wa nin. Ji krom sukdu re wa nin, ji bi nji, ji bi nyanggon, nin yé gato Yefun Allah fro suga nyim wa An nai sok mo An bi rus-i. Ji krom sukdu re wa nin yé gato kem tepsu yedamok frekbot bur Pontus, bur Galatia, bur Kapadokia, bur Asia si bur Bitinia.

²Yefun Allah ete mewa nin tep yi sor nde, wo wai o ré. Sane dom, Yefun Allah ete uttok nin mo suk mwa ne sino petok sor. Men bi Ai, Yefun Allah nai nin gum sok mo An bi rus-i sagato An fro suga nyim tuya wé ré. Yefun Allah Gen bok nggwa mo nin anato nin bi nin nggwa mo Yefun Allah wa nin ben Yefun bi suk-i sor. Sane anato nin jammo Yesus Kristus, ete Yesus Kristus dé gato sye ne ben sato ye dar mo nin mo sukibit gato nin ben ne subere tot sukibit ne or wé kadit nin ré.

³Men bes Yefun Allah, men bi Yekwesu Yesus Kristus bi Ai ne gum kok et. Yefun Allah dakai jimnotku men sye wai o ré, sane anato An sun Yesus Kristus kadit sukkwop, ete An fro os mone wa men subere men kem ndo tepsu yetu gato be o ré. Sane men kwabom kam mo An do,

⁴bere men ku sukndo mwa gato An fro wa An syo nai An bi rus-i ne. Suk mwa gane Yefun Allah grem kem mo gu wa men. Mo gu ne suk mwa ne yo mbras nde, yo ibit nde, yo dum nde.

⁵Yefun Allah grem suk mwa ne kem mo gu wa men. Bere men ku mone tó, wo men kem mo bur re tó, men onyar kem pe mo Yefun Allah, sane An mewa men su An bi suktinggi ne sane sor, wade An nai men wé kadit bur re, ete An gwat men mu sok mo An bi nat-i su kam gato bur re kru ré. … nin bi sukjimnut waiyu, sarewo bergan sukye ne or wé kadit nin ré

⁶Sane nin mit at mo suk mwa gato Yefun Allah fro wa nin ne et. Su re nin ku sukye ket kwayo-kwayo gato ben nin bi sukjimnut waiyu, sarewo bergan sukye ne or wé kadit nin ré.

⁷Nin ku sukye ket kwayo-kwayo sane, subere nin jam mone do, nin onyar kem mo Yefun Allah sisu sangge, bado, nde e? Ji gwat sukamno sare do, nin onyar kem mo Yefun anato tepsu emas. Sukye anato tepsu bot gato ye kon emas mone. Emas tepsu men yetu, bere mbras ré. Wo ye kon emas gato sangge mo bot yo, bere bot yo ben emas ne ibit nde, wo bot ne ós wa git sukkwik wé kadit emas ne or ré. Sane dom nin onyar kem mo Yefun sisu sangge yo, bere sukye yo ben nin misyar Yefun nde, wo sukye ne ben nin onyar kem mo Yefun nggi wai kadit nyim ne o ré. Suk gato ndo wai kadit emas anato nin onyar kem mo Yefun sisu sangge. Sane nin onyar kem mo An nggi wai o yo, bere su kam gato Yesus Kristus satu ma mo bur re, Yefun Allah un nin e, Yefun bes nin gum kok, ete Yefun ki nin gum ndo mone o ré.

⁸Kapre nin yo me Kristus su nin gro mo nde, nin bi sukjimnut sye kas subot An ré. Kapre nin yo me An su nin gro su re nde, nin onyar kem mo An ré. Nin onyar kem mo Yefun sor, sane anato An nai nin gum sok mo An bi rus-i, ete bere An nai nin wé kadit bur re sok mo An bi nat-i ré. Sane anato nin mit at wa, nin wi, nin ambre, nin mit iwa teker mone et. Nin mit iwa nin un Yefun gum mone, nin ku sukdu gato tep wa nin un Yefun su ne nde. Yefun Allah tarubot yenabi wa ós yenabi dakai nde, wo yenabi ki subot suktaru ne subere ós nin

⁹

¹⁰Sukdu subot os ndo gato Yefun Allah fro wa nai men yetu ne anato yenabi bok yo suga nyim ne werwa jam kom mo mit. Yenabi bok ne mit iwa jam sukdu ne, án meret, án meret, án watbot suk mwa pare subere án jam sukdu subot os ndo gato bere Yefun fro dakai yi wa men, orete yenabi ki napyo nai men jam ré.

¹¹Yenabi bok ne jam sukdu subot sukye gato bere Kristus ku ne. Kristus Gen bok nggwa mo yenabi, ete ki sukdu napyo nai yenabi bok ne jam ré. Yenabi jam do, bere ye bes Kristus gum kok mo os ndo gato An kak ne. Sane yenabi werwa án jam kom mo mit o et, án ndobot do, “Os ne bere Yefun kak sa u ne? Kam ot ete bere Yefun kak os ne?” Yenabi ne ndobot, sarewo án yo jam sukdu mwa ne or sino nde.

¹²Sukdu subot os ndo gato Yefun Allah tarubot yenabi ne, Yefun Allah tarubot yenabi wa ós yenabi dakai nde, wo yenabi ki subot suktaru ne subere ós nin. Suktaru gato yenabi ki nyim ne kom mo nin sare do, Yefun Allah syo An Gen ma kadit gu bok nggwa mo yetu ge bok yo anato yé bok ne nggiwa ki sukdu subot os ndo gato Yesus Kristus kak ne nai nin jam ré. Sukdu subot os ndo gato yé bok ne kibot ne, malaikat dom iwa jam.

¹³Nin jam sukdu subot os ndo gato Yesus Kristus kak ne, sane anato nin fro nin nggwa wa ben An bi suk-i petok sor. Nin kem su nin fra, nin kwabom kam mo Yefun Allah do, tepsu kam gato Yesus Kristus satu ma ne, bere Yefun Allah ben sukndo su nin ré.

¹⁴Nin jammo Yefun Allah sisu nin mit dik si nin onyar dik et. Suga nyim ne nin jam Yefun Allah nde tó, nin ben nin bi suk-i ibit ket nin í sor, wo su re nin ben suk saga nyim ne o nde.

¹⁵Sarewo nin ben nin bi suk-i tepsu Yefun Allah mit et. Yefun Allah nai nin sok mo An bi rus-i ne et. Yefun ben An bi suk-i ndo petok sor, kwa gato ibit yo mo nde. Sane mo suk mwa gato nin ben ne, nin ben nin bi suk-i ndo petok sor, kwa gato ibit yo mo nde.

¹⁶Ye krom mo Yefun Allah bi sukdu sare do, “Ji ben Ji bi suk-i ndo petok sor, kwa gato ibit yo mo nde, sane dom nin ben nin bi suk-i ndo petok sor, kwa gato ibit yo mo nde tepsu Ji ben et.”

¹⁷Nin ki suk su Yefun Allah yo, nin kendo An gum do, nin bi Ai. Bere Yefun ndobot nin si yé mwa ne sino tepsu yu ré. Ye gato ben sukibit bere An syo sukye nai ye ne. Yefun yo ben An bi suk-i su ye gato gum sye si ye gato gum wok tara kadit yu nde, wo An ben suk su yé mwa ne tepsu yu sino. Sane nin kem mo bur re tepsu yedamok yo, nin jammo Yefun Allah, nin bes An gum kok et. … su re sa, Yesus Kristus bi An nggwa wa tot suktot mo sukibit gato nin ben ne wé. Yesus Kristus sombok nin wé kadit nin bi amui bi os-i ne o ré

¹⁸Nin bes An gum kok, we nin jam do, suga nyim ne, nin jammo nin bi amui bi sukduno-i sa, sukduno ne yo kak os wa nin sok mo Yefun Allah bi rus-i nde. Nin bi amui bi os-i gato ye duno nin su ne yo ós nin wokgan yo dom nde. Wo su re sa, Yesus Kristus bi An nggwa wa tot suktot mo sukibit gato nin ben ne wé. Yesus Kristus sombok nin wé kadit nin bi amui bi os-i ne o ré. Kristus yo tot suktot ne su suk gato bere ibit sato perak e, emas e, {mbre boer si toba ne nde},

¹⁹wo Yesus Kristus dé sye, An bi An nggwa wa men yetu anato tepsu suktot gato kok wai kadit suk mwa neya gato ye tot suktot su ne o ré. Yesus Kristus anato tepsu domba gan ge gato kaim ndo sino, ibit wokgan yo dom nde. {Suga nyim ye Israel gu suge sato domba gan kwop ete nai i-dé ne wa tot suktot mo sukibit gato án ben ne.}

²⁰Yefun Allah ut bur re nde tó, An fro Yesus Kristus tepsu suktot nyim wé ré. Yefun Allah fro Yesus Kristus kadit ketke ne it, wo su re, karowa bur re kru sa, Kristus bor mo bur re. An ma wa tot sukibit gato men ben ne wé, subere nin dom ku os ndo wa nin sok mo Yefun Allah bi rus-i ré. Nin bi im pe nin wam dik yo, wo ben sato Yefun Allah bi sukdu anato pe nin wam dik yo o. Sane nin tepsu ye gato be it.

²¹Sane Kristus ma ete kak os wa men yetu anato nin onyar kem pe mo Yefun Allah it. Yefun Allah sun Kristus kadit sukkwop ete bes An gum kok sye wai kadit ye yi neya o ré. Sane anato nin onyar kem pe mo Yefun Allah, ete nin kwabom kam mo An mone dom.

²²Nin benbot Yefun Allah bi sukdu gato sangge it, sane anato nin bare sukibit gato ben nin ne wé kadit nin ré, nin onyar kwo ré. Sane dom, ye yi gato onyar kem mo Yefun Allah ne, nin mewa sisu sangge ré. Sane nin mewa yu su nin mit dik si nin onyar dik sisu ndo wai o et.

²³Nin mewa yu sane, we Yefun Allah bi sukdu gato kem gesyos ne ben nin tepsu ye gato be it. Nin bi im pe nin wam dik yo, wo ben sato Yefun Allah bi sukdu anato pe nin wam dik yo o. Sane nin tepsu ye gato be it.

²⁴Men yetu da kridek, wo Yefun Allah bi sukdu kem gesyos tepsu sukdu gato ye krom mo Yefun Allah bi sukdu ne ki sare do, “Yetu mwa ne sino mo bur re tepsu es gato kom mo bur, sarewo es ne bergan te ré. Suk mwa gato yetu ben gato ndo yé anato tepsu es u gato ndo yé, sarewo bergan es ne te ré, ete es u ne ges or ré,

²⁵sarewo Yefun Allah bi sukdu ne sor anato kem ndo to kapyo mato kapyo.” Yefun Allah bi sukdu gato kem gesyos ne anato sukdu subot os ndo gato Yesus Kristus kak ne, gato yé ki nai nin jam ré.