Read Abun 1 Yohanes 1 Bible Online

1 Yohanes 1 - Abun bible

1 Yohanes 1

¹Men krom subot Sukdu gato ós men kem ndo to kapyo mato kapyo. Sukdu ne kem kadit ketke ne it. Sukdu ne men jam ré. Sukdu ne men me su men gro ré, men sokwa pe, men syimtok mó ré. Sukdu ne men kibot subere nin jam ré.

²Sukdu gato ós men kem ndo ne bor mó ré, men me ré, ete men waii ki nai ye yi jam dom. Sukdu gato ós men kem ndo to kapyo mato kapyo, ketke kem su men bi Ai, Yefun Allah. Sukdu ne bor, men me, sane men waii kibot nai nin jam o.

³Suk gato men me si men jam ne, sukdu ne anato men waii ki nai nin jam subere nin si men tepsu yedik mo Yefun bi de-i. Men ki nai nin jam subere nin si men si men bi Ai, Yefun Allah sisu An bi Gan, Yesus Kristus sino tepsu dik.

⁴Men krom sukdu re subere nin si men tepsu yedik sino subere men mit iwa wai o ré.

⁵Sukdu gato men jam kadit Yefun Allah bi Gan, Yefun Yesus anato men waii ki nai nin do, Yefun Allah ne tepsu nombrak rer, An ben sukndo sor. Yefun Allah yo tepsu ndendu nde, An yo ben sukibit yo mo nde.

⁶Men ben sukibit kamdik-kamdik tepsu ye gato kem mo ndendu tó, ete men ki do, men si Yefun tepsu dik, sane it yo, men kidar ko ne. Sane o, suk mwa gato men ben ne yo tepsu Yefun Allah mit dom nde.

⁷Sarewo men ben men bi suk-i ne ndo, men ben suk tepsu ye gato kem mo pe gato rer, mo Yefun Allah bi de-i yo, men sino kem ndo su yu tepsu yedik mo Yefun bi rus-i it anane. Yefun Yesus kwop wa sukibit gato men ben ne, ben sato Yefun Allah bi Gan dé mus men bi siri or wé kadit men ré.

⁸Men do ki do, men yo ben sukibit yo mo nde yo, men kidar men dakai anane, ete Yefun Allah bi sukdu gato sangge yo kem mo men mit nde.

⁹Yefun Allah ben suk tepsu An tom su men ne, An ben An bi suk-i ri-roi su men, sane men rek sukibit gato men ben ne wa An jam yo, bere Yefun Allah yo maskwa men mo sukibit ne o nde, bere An nutbot sukibit gato men ben ne o nde. Orete An ós men subere sukibit gato men ben ne yo ut mo men o nde.

¹⁰Yefun Allah ki do, men yetu sino ben sukibit mó ré. Sane men do ki do, men yo ben sukibit yo mo nde yo, tepsu men ki do, Yefun Allah kidar it anane, sane Yefun Allah bi sukdu yo kem mo men mit nde.