Read Achang VPOM 23 Bible Online

VPOM 23 - Achang bible

VPOM 23

¹Sara gas dvxo aiqci nyhet zvn kang dwis khoq.

²Nyang gas Khanan mau Kiriat Arba ge dah Hebron wus mas shei lha Abraham eq Sara gvng mas kukxi ngaus das ge los.

³Abraham gas nyah yhensain nyhiq dah mvng joq masyah toq las Hiti dius jens lyis loh taiq zis gas,

⁴Ngos gas namoq jyank mas los khau nyeis dah boenghwus dvnghuot. Ngah yhensain nyhiq yoh nyhop das xiklyis maunyeis dvchuq ungh dyei aq, ge.

⁵Hiti dius jens Abraham lyis doms taiq zis gas,

⁶Yhensain eh, ngamoq dah dang gyo dyei aq. Nvng gas ngamoq jyank mas dah yomzains zau nghuot. Nah yhensain nyhiq lyis ngamoq dah gis thank lopkhyung mas nyhop aq. Nah yhensain nyhiq nyhop das lop-yos dyei das zis ngamoq hank eq he das zis ma nghuot, ge.

⁷Housoeh las Abraham toq lho lha hauh mau mas dius Hiti jens dah xikkhonh mas gop las taiq zis gas,

⁸Ngah yhensain nyhiq heimha nyhop das zis namoq gyo lyis gas, ngah dang jenh gyo dyei geh. Zohar lo Ephron ka nyah maunyeis vthang mha joq Makpela lukkhyung ngos lyis bos sang dyei geh.

⁹Ngos sain toh das joqyos hauh yvlyis mon dah phauh yah ngos lyis namoq xikkhonh mas ungh dyei bas jungh, ge.

¹⁰Ephron eq Hiti jens mas bos tsung toh. Housoeh hauh Hiti dius Ephron ka nyah wus khomh mas wvng ya wvng bang ge, Hiti dius dvnganhmoq dah xikkhonh mas Abraham lyis,

¹¹Yhensain eh housoeh ma nghuot, ngah dang gyo yoeus aq. Ngos nvng lyis hauh maunyeis yah dvgeh houmha bos dah lukkhyung dyei das. Ngos nvng lyis ngah vnyau dvnganhmoq dah xikkhonh mas dyei, houmha nah yhensain nyhiq lyis nyhop aq, ge toeuh.

¹²Nghuot laus eq Abraham gas hauh mau dius jens xikkhonh mas gop joq las,

¹³dvnganhmoq xauhgyo shoq Ephron lhyi taiq zis gas, Nvng gyo nghuot lyis gas ngah dang jenh gyo dyei aq; ngos hauh maunyeis phauh dyei; lhom yoeus aq; housoeh lyis ngos houmha ngah yhensain nyhiq lyis nyhop das, ge.

¹⁴Ephron Abraham lyis phuk taiq zis gas,

¹⁵Yhensain eh, ngwis kyvp nyeixo dvphauh dah maunyeis gas yah aiq yuk jo mas cha nghuot das lah? Housoeh las nah yhensain nyhiq lyis dvnyhop aq, ge.

¹⁶Abraham eq Ephron dang gyo las Hiti jens dah xikkhonh mas Ephron phauh thyet zis yah dvyhangteh soenghi jens yhung dah ngwis kyvp nyeixo laiq dyei.

¹⁷Housoeh Mamre pheh xoeu toh, Ephron dah maunyeis Makpela eq, houmha tsain bos dah lukkhyung, saiq eq yoskyoh saiq dvnganh eq,

¹⁸nyah wus khomh mas wvng ya wvng bang ge, Hiti dius jens xikkhonh mas Abraham yoh sain nyeis das xiklyis kyauh.

¹⁹Hauh thang lhyi Abraham gas Khanan mau Hebron ge, Mamre pheh xoeu toh dah Makpela maunyeis mas dah lukkhyung mha nyah yhensain nyhiq Sara lyis nyhop.

²⁰Hauh maunyeis yahge houmha dah lukkhyung lhyi Abraham sain dah lop-yos nghuot das xiklyis Hiti jens nyang lyis kyauh.