Read Achang VPOM 36 Bible Online

VPOM 36 - Achang bible

VPOM 36

¹Heika Edom ge Esau vkoq nghuot.

²Esau ka Khanan mau masyah yhensain nyhiq tsain yoeus. Hiti dius Elon dah lonyi Ada yahge Hiwi dius Zibeon nyeilo, Ana dah lonyi Oholibama tsain nghuot.

³Ishmael dah lonyi, Nebaiot dah nhamhmuh, Basemat lyis yoeus.

⁴Esau xiklyis Ada gas Elipha khoeu dyei. Basemat gas Reuel khoeu dyei.

⁵Oholibama gas Yeush, Yalam, Kora moq khoeu dyei. Heika Khanan mas tsain khoeu los, Esau loloeu jens nghuot.

⁶Esau ka nyah yhensain nyhiq jens, nyah loloeu lonyi jens, nyah yhenbang dvnganh lyis eq, nyah noeu phung gaunyhauq dvnganh, Khanan mau mas nyang yoh ya yoh zis tsainh yoeus las nyah wik Yakop jyank masyah we mau pheh thot loh.

⁷Khasoeh ge lyis nyah zomh zisyos nyoshoq tsain yoh yvmvyah, dvgeh dvjoqyos mas ma yoh nyeis. Nyah zomh khau nyeis mau eq nyah zomh gaunyhauq nyo las ma ywih lo.

⁸Housoeh las Esau ka Seir boms mas nyeis. Esau ka Edom nghuot.

⁹Heika Seir boms mas Edom vnyau dah uwus Esau vkoq nghuot.

¹⁰Esau loloeu jens nyings gas, Esau yhensain nyhiq Ada khoeu zis Elipha, Esau yhensain nyhiq Basemat khoeu zis Reuel,

¹¹Elipha loloeu jens gas Teman, Omar, Zepho, Gatam yahge Kena,

¹²Esau lo Elipha dah nyinhungh Timna gas Elipha xiklyis Amalek khoeu dyei. Haih goeu gas Esau yhensain nyhiq Ada dah nyeilo jens nghuot.

¹³Reuel loloeu jens gas Nahat, Zera, Shama yahge Miza. Haih goeu gas Esau yhensain nyhiq Basemat dah nyeilo jens nghuot.

¹⁴Zibeon lonyi Ana dah lonyi, Esau dah yhensain nyhiq Oholibama Esau xiklyis khoeu dyei dah loloeu jens gas Yeush, Yalam yahge Kora nghuot.

¹⁵Heika Esau vnyau vshih mas dah vkoq jens nghuot. Esau dah loxeih Elipha gas o mha vkoq jens dah phauh thyeih nghuot. Hauh bang gas Teman, Omar, Zepho, Kena,

¹⁶Kora, Gatam yahge Amalek nghuot. Haih bang dvnganh gas Esau dah yhensain nyhiq Ada dah vnyau vshih nghuot.

¹⁷Esau lo Reuel dah loloeu zau jens gas Nahat, Zera, Shama, Miza nghuot. Hauh bang gas Edom mau mas Reuel masyah dyos bang nghuot. Nyamoq gas Esau yhensain nyhiq Basemat masyah dyos bang nghuot.

¹⁸Esau yhensain nyhiq Oholibama masyah dyos bang zau jens gas Yeush, Yalam, Kora nghuot. Nyamoq gas Ana dah lonyi, Esau yhensain nyhiq Oholibama masyah dyos bang nghuot.

¹⁹Haih bang gas Esau lo jens doeus jens yahge nyamoq dah zau jens nghuot. Esau ka Edom nghuot.

²⁰Hauh mau mas nyeis Hor dius Seir lo jens gas Lotan, Shobal, Zibeon, Ana,

²¹Dishon, Eza yahge Dishan nghuot. Hauh bang gas Edom mau mas nyeis Hor dius Seir masyah dyos bang zau jens nghuot.

²²Lotan loloeu tang ka Hori yahge Homam. Lotan dah nhamhmuh gas Timna nghuot.

²³Shoba loloeu jens gas, Alwan, Manahat, Ebal, Shepho yahge Onam.

²⁴Zibeon loloeu tang ka, Aia yahge Ana. Ana gas nyah uwus dah mauhlyihzoe yoeuh nyeis uhlyis mhanhdyvp mas jeis gywes thuq dwang jens nyvng soeu nghuot.

²⁵Ana lotang ka loloeu Dishon yahge lonyi Oholibama.

²⁶Dishon loloeu jens gas Hemdan, Eshban, Itran yahge Keran.

²⁷Eza loloeu jens gas Bilhan, Zawan yahge Akan.

²⁸Dishan loloeu tang ka Uza yahge Aran nghuot.

²⁹Heinyhoq gas Hor vnyau mas dah zau jens nghuot: Hauh bang gas Lotan, Shobal, Zibeon, Ana,

³⁰zau Dishon, zau Eza yahge zau Dishan. Hauh zau jens gas Seir mau mas tsung soeu Hor vnyau masyah dyos bang nghuot.

³¹Gvshih heika Israel jens mas hwankti ma guon shih lyis Edom mau guon dah hwankti jens nghuot.

³²Beor lo Bela gas Edom mau hwankti bweh los. Nyah wus lyis Dinhaba ge nyhink.

³³Bela shei thang lhyi Bozra wus mas dah Zera lo Yobab gas hwankti bweh los.

³⁴Yobab shei thang lhyi Teman mau mas dah Husham gas hwankti bweh los.

³⁵Husham shei thang lhyi Moab pa mha Midian jens lyis zan ung soeu Bedad lo Hadad gas hwankti bweh los. Nyah wugungs nyings Awit nghuot.

³⁶Hadad shei lhyi Masreka mha dah Samla gas hwankti bweh los.

³⁷Samla shei lhyi Uphrat lvng yvm Rehobot mas dah Shaul gas hwankti bweh los.

³⁸Shaul shei lhyi Akbor lo Bal Hanan gas hwankti bweh los.

³⁹Akhor lo Bal Hanan shei lhyi Hada gas hwankti bweh los. Nyah wus nyings Pau nghuot. Nyah yhensain nyhiq nyings Mehetabel nghuot. Nyang gas Mezahab lonyi Matred dah lonyi nghuot.

⁴⁰Heika Esau mhayah dyos las nyang koq nyang nyeis joqyos, dius nyau chank las zau zo bang dah nyings nghuot: hauh bang gas Timna, Yethet, Alwa,

⁴¹Oholibama, Ela, Pinon,

⁴²Kena, Teman, Mibzar, Magdiel, Iram nghuot.

⁴³Haih bang gas nyang nyeis jang mas nyang yoh guon dah mau mas dah Edom mau nghuot. Edom vnyau dah vkeh gas Esau nghuot.