Read Achang VPOM 46 Bible Online

VPOM 46 - Achang bible

VPOM 46

¹Housoeh las Yakop gas nyang yoh ya yoh zis yah dvgeh thot las Besheba mas jweh lyis, nyah uwus Isak dah Mangso lhyi phudyei.

²Mangso eq nyenh lyis nyoqnyvng mas Yakop lyis, Yakop, Yakop ge lui. Nyang gas, Heimha nyeis, ge.

³Mangso ka, Ngos gas Mangso nghuot, nah uwus dah Mangso nghuot: Egutu mau mas e das cho ehnyet vnyo. Ngos nvng lyis houmha dius nyau kuh kuot das:

⁴Ngos nvng yah dvgeh Egutu mas e das; ngos nvng lyis hou mhayah shwih tauh los das. Yosep eq nvng shei zis nyvng das, ge.

⁵Housoeh las Yakop gas Besheba masyah toq las, Yakop lo jens gas nyamoq uwus Yakop eq, Nyamoq lo mebih jens eq mulas, Yakop lyis tyungh das xiklyis Pharao dyei kat dah lhyingh yah thuq khoq.

⁶Yakop yahge nyah vnyau vshih dvnganh gas Khanan mau mas nyamoq yoh dah gaunyhauq yahge zisyos tsain yoeus las Egutu mau pheh e.

⁷Yakop gas nyah loloeu jens, lonyi jens, nyeilo jens, nyah vnyau vshih dvnganh shwih las Egutu pheh e.

⁸Heika Egutu mas jweh dah Israel jens nyings tsain nghuot. Yakop yahge nyah loloeu jens gas: Yakop dah loxeih Ruben.

⁹Ruben loloeu jens: Hanok, Palu, Hezron, Kharmi.

¹⁰Simon loloeu jens: Yemuel, Yamin, Ohad, Yakin, Zohar yahge Khanan lonyi khomh mas Shaul.

¹¹Lewi loloeu jens: Gershon, Kohat, Merari.

¹²Yuda loloeu jens: Er, Onan, Shela, Pere, Zera. (Er yahge Onan gas Khanan mas shei khoq goeus.) Pere dah loloeu tang: Hezron yahge Hamul.

¹³Isakha loloeu jens: Tola, Pua, Yashub, yahge Shimron.

¹⁴Zebulun loloeu jens: Sered, Elon, Yalel.

¹⁵Heinyhoq gas Padan Aram mas Yakop xiklyis Lea khomh mas dah loloeu jens yahge lonyi Dina nghuot. Nyah loloeu lonyi jens yahge nyeilo jens dvnganh lyis somhci somh yuk nghuot.

¹⁶Gad loloeu jens: Ziphion, Hagi, Shuni, Ezbon, Eri, Arodi, Areli.

¹⁷Asher loloeu jens: Imna, Ishwa, Ishwi, Beria yahge nyamoq nhamhmuh Sera. Beria dah loloeu jens: Hazo yahge Malkhiel.

¹⁸Haih goeu gas Laban nyah lonyi Lea lyis dyei, Zilpa dah loloeu jens nghuot. Yakop xiklyis nyang khoeu dyei zis dvci khyuk yuk nghuot.

¹⁹Yakop dah nyicuk Rakhel khomh mas loloeu Yosep yahge Benyamin.

²⁰Egutu mas Ona wus phudyei Potiphera dah lonyi Asenat gas Yosep xiklyis khoeu dyei loloeu tang: Manase yahge Ephraim.

²¹Benyamin loloeu jens: Bela, Beker, Ashbel, Gera, Naman, Ehi, Rosh, Mupim, Hupim, Ard.

²²Haih goeu gas Yakop xiklyis Rakhel khomh mas bos bang nghuot. Dvnganh lyis dvci nyei yuk nghuot.

²³Dan dah loloeu: Hushim.

²⁴Napthali loloeu jens: Yazel, Guni, Yezer, Shilem.

²⁵Haih goeu gas Laban nyah lonyi Rakhel lyis dyei, Bila khomh mas Yakop xiklyis bos dah lo jens nyei jens nghuot. Dvnganh lyis nyhet yuk nghuot.

²⁶Yakop doeusmuh jens ma suon, Yakop gungs mas yaus las nyang yah dvgeh Egutu mau pheh e bang dvnganh lyis khyukci khyuk yuk nghuot.

²⁷Egutu mau mas Yosep yoh dah loloeu aiq yuk nyeis: housoeh las Egutu mau mas jweh, Yakop vkoq dvnganh lyis nyhetci yuk nghuot.

²⁸Goshen mau mas nyang lyis cho los tuonh shet bas jungh ge, Yakop gas Yuda lyis Yosep jyank mas nyah xik pheh nhang kat. Nyamoq eq Goshen mau mas jweh nyeis.

²⁹Housoeh las Yosep eq nyah lhyingh sont las nyah uwus Yakop yah xauhgoh das zis Goshen pheh loh. Nyang nyamoq yah xauhgoh yah dvyih nyah uwus lyis dap po lha nyangh shoq ngaus.

³⁰Yakop gas Yosep lyis, Gvshih ngos shei lo bah, nvng dwis nyeis shih dah nyoqnho lhyi ngos nyvng toh khoq goeus, ge.

³¹Hauh thang lhyi Yosep gas nyah vmang vnoeuh moq yahge nyah uwus yhenbang lyis, Ngos Pharao lyis, Khanan mau mas dah ngah vmang vnoeuh moq yahge ngah uwus yhenbang ngah jyank mas jweh lyih goeus, oen loh kyoh chah.

³²Hauh bang gas yvng shvbeq nyhoeu zo bang nghuot las nyamoq dah yvng shvbeq phung lhyi eq, nyamoq dah gaunyhauq phung lhyi eq, nyamoq yoh zis dvnganh chi lyih oen loh taiq chah.

³³Pharao namoq lyis, Namoq cha zwi zo goh, ge khi nyei lyis,

³⁴Namoq gas, Ngamoq phauh thyeih moq kuot teh ngis yoq lyis yah gvshih jweh shoq gaunyhauq nyhoeu zo bang nghuot, oen taiq geh. Housoeh lyis Goshen mau mas nyeis nhang das. Khasoeh ge lyis Egutu bang gas yvng yoeuh bang lyis choqh, ge taiq toh.