Read Achang 1 SUNGSON 10 Bible Online

1 SUNGSON 10 - Achang bible

1 SUNGSON 10

¹Gilboa boms mas Philisti jens gas Israel jens lyis jeszan. Israel jens nyoshoq gas hauh boms mas sat zis xauh las hwankti Saulo yahge nyah lo somh yuk eq bos, nyet bang gas phang loh.

²Nghuot laus eq Philisti jens gas nyamoq lyis chank khat duons las Saulo dah lo jens mas somh yuk, Yonathan, Abinadab, Malkhishua moq lyis sat.

³Hau jeszan cho ka Saulo xiklyis svsoh xungh los. Nyang lyis lyei baiq bang yah baiq las nyang dvm gvgis dap goeus.

⁴Saulo nyah sham lham wons soeu lhyi taiq zis gas, Hai vthyoh ma tyomh bang ngos lyis los thauh shoeuhshih cho ma kuot bas jungh nah sham she lha ngos lyis thauh sat aq, ge. Nghuot laus eq nyah sham lham wons soeu ka svsoh gyuk las ma kuot. Housoeh las Saulo nyang sham thung las thauh shei zo.

⁵Sham lham wons soeu ka Saulo shei zis nyvng lyis nyang eq Saulo yah dvgeh nyah sham thung lha thauh shei zo.

⁶Saulo yahge nyah lo jens somh yuk, dvgeh shei goeus las nyah vnyau vshih mas guon soeu ma bos lo.

⁷Israel jesphung phang cho yahge Saulo eq, nyah lo jens eq dye shei goeus cho Yezrel langhkhau mha nyeis dah Israel jens xauhgyo lyis nyamoq dah wus jens lyis tyamp las tsain phang loh. Housoeh Philisti jens gas houmha los tsain nyeis.

⁸Nungsnvp Philisti jens mvng lhuot das ge los lyis Saulo yahge nyah lo jens dah mvng lyis Gilboa boms mas loh nyvng.

⁹Nyamoq gas Saulo dah uhloms lyis thyet yoeus, nyah sham lham gos lyis khyuot las, nyamoq phvra yahge nyamoq dah dius jens jyank mas loeus hoeuh das xiklyis Philisti dvmau gonh mas loeuskyoh bang lyis nhang kat.

¹⁰Nyah jes kyonhkhyi lyis nyamoq dah yhenmuh mha toh, uhloms lyis gas nyamoq dah mangso Dagon yhenmuh mas tap toh.

¹¹Saulo lyis Philisti jens housoeh kuot cho dvnganh Gilead mas nyeis Yabesh dius jens xauhgyo lyis,

¹²jes thoeuqzoe jens toq las Saulo yahge nyah lo jens mvng lyis Yabesh mas yoeus loh. Nyamoq gas hau mvng jens lyis wons zains khyei mha nyhop lholha nyhet nyeih wom tsain kyi.

¹³Saulo shei khasoeh ge lyis nyang YHENSAIN lhyi lom ma luk. Nyang YHENSAIN dah tyingtoh dang domsyos ma gyo; YHENSAIN lhyi nyei das gungsthaiq, shei goeus soeu dah dyos lyis nyei las nyang lyis bos pangh das cho xo.

¹⁴Yhensain ka nyang lyis sat las hau munghdan guon das xiklyis Yese lo Dawi lyis dyei.