Read Achang 1 SUNGSON 25 Bible Online

1 SUNGSON 25 - Achang bible

1 SUNGSON 25

¹Hwankti Dawi yahge Lewi jens mas uhshe bang gas zoppaiq cho mha uhshe das xiklyis o mha dah Lewi vkoq jens lyis khyen toh: Asap, Heman yahge Yeduthun. Nyamoq gas toenk khvlhank, janghau bat las Mangso dah loeusdang taiq hoeuh chah. Haih zis gas khyen toh zoppaiq uhshe das bang dah nyings yah nyang phung nyang mas dah zoppaiq ja nghuot.

²Asap loloeu jens nyei yuk: Zakhu, Yosep, Nethania, Asarela nghuot. Nyamoq gas hwankti vmingh dyei khanghmuh, Mangso loeusdang taiq hoeuh dah Asap, uhshe thang chank bang nghuot.

³Yeduthun loloeu jens khyuk yuk: Gedalia, Zeri, Yeshai, Shimei, Hashabia, Matithia nghuot. Nyamoq gas nyamoq dah uwus uhshe yvmas toenk khvlhank yah YHENSAIN lhyi chungh, nhaiqshoqlang sang chunghthwe kat las Mangso loeusdang taiq hoeuh.

⁴Heman loloeu dvci nyei yuk: Bukia, Matania, Uziel, Shebuel, Yerimot, Hanania, Hanani, Eliatha, Gidati, Romamti Eza, Yoshbekasha, Malothi, Hothi, yahge Mahaziot moq nghuot.

⁵Mangso ka hwankti dah lvpe Heman lyis loloeu dvci nyei yuk yahge lonyi somh yuk eq dyei. Hauh zis gas Mangso ka Heman lyis yomsoq dyei das ge dangthoengh toh zis yah dvyhangteh nghuot.

⁶Nyang uhshe yvmas nyah loloeu jens dvnganh gas yhenmuh zoppaiq khyomp mas janghau yahge toenk bat. Lholha Asap, Yeduthun yahge Heman moq gas hwankti taiq toh vgus kuot.

⁷Haih dius aiqci nyei yuk gas svsoh lyes bang nghuot las nyamoq dah Lewi boekyis jens eq toenk khvlhank bat cho mha puot toh goeus bang nghuot. Nyamoq dvnganh lyis aiqxo xetci xet yuk nghuot.

⁸Hauh bang ngislo kuhlo, svra eq xuq soeu eq, zwi vvng das muh lyis doeugoh zis yah yoeus.

⁹Haih 288 yuk lyis yhenbang khyvlyis dvphung mha dvci aiq yuk mulas aiqci nyei phung khyoq toh. Dvphung mha uhshe das soeu dvyuk toh. Haih zis gas nyamoq vvng muh gvnzoh nghuot. 1. — Asap yhenbang mas Yosep 2. — Gedalia 3. — Zakhu 4. — Izri 5. — Nethania 6. — Bukia 7. — Yesharela 8. — Yeshaia 9. — Mathania 10. — Shimei 11. — Uziel 12. — Hashabia 13. — Shube 14. — Matithia 15. — Yeremot 16. — Hanania 17. — Yoshbekasha 18. — Hanani 19. — Malothi 20. — Eliatha 21. — Hothi 22. — Gidati 23. — Mahaziot 24. — Romamti Eza