Read Achang 1 SUNGSON 5 Bible Online

1 SUNGSON 5 - Achang bible

1 SUNGSON 5

¹Haih zis gas Yakop dah loxeih Ruben dah vnyau vshih jens nghuot. (Ruben gas nyah uwus dah nyinhungh dvyuk yah yhet goh yvmvyah loxeih toeuh ma yoh lo. Hauh toeuh gas Yosep yoh loh.

²Nghuot laus eq Yuda vkoq gas zes yombos los las dius koq dvnganhmoq lyis guon das soeu eq nyah vkoq masyah thuq los.)

³Yakop dah loxeih Ruben gas loloeu nyei yuk bos: Hanok, Palu, Hezron yahge Khami nghuot.

⁴Haih zis gas Yoel dah vnyau vshih jens dah dvcaiq thang lhyi dvcaiq dius caiq shap khyoq toh zis nghuot: Shemaia, Go, Shimei, Mikha, Reaia, Bala, Bera. Asiria hwankti zainsmuh Tiglat Pileser gas Ruben vnyau mas dah uhshe soeu, Bera lyis jonsshwih loh. Bera gas nyah mau masyah thuq loh tyamp chah.

⁷Bera dah boekyis dvcaiq yah dvcaiq comh toh mvnyei lyis yoeuh lyis Ruben vnyau mas vkoq uhshe bang gas Yeiel, Zekharia,

⁸Yoel vkoq Shema nyeilo, Aza dah loloeu Bela nghuot. Haih vkoq gas Aroer masyah mautsung pheh Nebo yahge Betmeon jweh shoq dvm dah mau mas nyeis.

⁹Nyamoq gas buisthuq shot pheh Uphrat lvng jweh shoq dvm dah mhanhdyvp mas nyeis: khasoeh ge lyis Gilead mau mas nyamoq dah gaunyhauq svsoh nyoshoq je los.

¹⁰Hwankti Saulo zaih lyis Ruben vnyau gas Hagri jens lyis jeszan, jeskhyomp mas nyamoq lyis sat las, nyamoq dah mau Gilead dah buisthuq shot pheh dvkhauyah nyeis loh.

¹¹Gad vnyau gas Ruben dah mautsung, Bashan mau buisthuq shot pheh Salekha mas jweh shoq nyeis.

¹²Bashan mau mas Yoel gas uhjyung nghuot. Hauh o lhyi gyet gas Shapham, Yanai yahge Shaphat nghuot.

¹³Nyamoq dah boek, gohtoeu vkoq jens dah uhshe bang nyhet yuk gas, Mikhael, Meshulam, Sheba, Yorai, Yakhan, Zia, Eba - tsain nghuot.

¹⁴Nyamoq gas Huri dah loloeu Abihai dah vnyau vshih tsain nghuot. Abihai dah dius caiq gas: Buz, Yado, Yeshishai, Mikhael, Gilead, Yaroa, Huri, Abihai nghuot.

¹⁵Vkoq dvnganh dah uhjyung ka Guni nyeilo, Abdiel dah loloeu Ahi nghuot.

¹⁶Gad dius nyau jens gas Gilead mau, Bashan mau mas dah wus jens yahge Sharon mau mas dah katjang dvnganh mas tsain nyeis.

¹⁷Haih lhaih comh cho lhyi Yuda hwankti Yotham yahge Israel Hwankti Yeroboam aiq zaih lyis vnyau vshih jens dah comh buk mas kuicoeu lhaih toh.

¹⁸Ruben vnyau, Gad vnyau yahge Buisthuq Manase bang mas sham chi, gos chi lha lyei seq baiq las jes pot, xuq toh dah jes yoh zan loh bang dvnganh lyis 44.760 yuk nghuot.

¹⁹Nyamoq gas Hagri, Yetu, Naphish yahge Nodab bang yah jeszan goh.

²⁰Nyamoq gas Mangso lhyi loms las nyang bos pangh das xiklyis shvmanh dung gvng masyah Mangso ka nyamoq dah shvmanh dung dang lyis gyo dyei las nyamoq lyis Hagri jens yahge nyamoq yah dvgeh nghuot bang thoq mas ung cho dyei.

²¹Nyamoq gas gola-u 50,000, yvng 250,000, mauhlyihzoe 2,000 yahge jonsdoeus bang 100,000 shwih loh.

²²Mangso nhaiqdoeus dah jeszan khyomp nghuot las nyamoq gas jeswus nyoshoq lyis yoh sat. Nyamoq jonsdoeus loh[2] shoq nyamoq gas hau mau mas nyeis.

²³Buisthuq Manase duis nyau jens gas Bashan mau masyah Bala Bamon, Senir, yahge Hermon boms jweh shoq jebais loh.

²⁴Heika nyamoq dah vkoq uhshe bang: Epha, Ishi, Elie, Azriel, Yeremia, Hodawia yahge Yadiel moq nghuot. Nyamoq gas yombos las nyings hoeuh dah jeslo jens, nyamoq dah vkoq mas dvnganhmoq seq uhshe bang nghuot.

²⁵Nghuot laus eq nyamoq gas nyamoq phauh thyeih moq dah Mangso lhyi lomluk luk ma kuot, nyang lyis toh tyamp las hauh mau masyah Mangso khat thuq tyamp goeus, dius nyau jens dah mangso jens lyis tsain paiq.

²⁶Housoeh las Mangso ka Asiria hwankti zainsmuh Pul, Tiglat Pileser dah ehnyet lyis nhauh las, nyang gas nyamoq dah mau lyis los wvng zan. Nyang gas Ruben vnyau, Gad vnyau yahge buisthuq Manase lyis shwih jons loh las Gozan lvng chank yah Hala, Habo yahge Hara mau mas nyhei toh las nyamoq khvnyhik jweh shoq houmha nyeis.