Read Achang 1 SUNGSON 7 Bible Online

1 SUNGSON 7 - Achang bible

1 SUNGSON 7

¹Isakha dah loloeu jens gas Tola, Pua, Yashub, Shimron, ge nyei yuk nghuot.

²Tola loloeu khyuk yuk bos: Uzi, Rephaia, Yeriel, Yamai, Ibsam, yahge Shemuel nghuot. Nyamoq gas Tola vhuh yhenbang dah uhshe bang nghuot las jes thoeuqzoe jens tsain nghuot. Hwankti Dawi dah zaih lyis nyamoq dah vnyau vshih 22,600 yuk bos.

³Uzi mas Izrahia ge loloeu dvyuk bos. Izrahia loloeu jens gas Mikhael, Obadia, Yoel, Ishia, nyei yuk gonh yah nyamoq yhenbang dah uhjyung jens nghuot.

⁴Nyamoq gas nyi nyoshoq yahge lo nyoshoq yoh yvmvyah, nyamoq vnyau vshih jens khyvlyis jeszan das zis jeslo 36,000 yuk cicont nghuot.

⁵Isakha vkoq mas dvnganh gas yombos jes thoeuqzoe jens nghuot las diuscaiq comh mas nyings bos bang 87,000 yuk bos.

⁶Benyamin loloeu jens gas Bela, Bekha, Yediael, somh yuk nghuot.

⁷Bela loloeu jens gas, Ezbon, Uzi, Uziel, Yerimot, Iri, oeng yuk nghuot. Nyamoq gas vkoq mas yhenbang dah uhshe bang yahge dvnganh gas jes thoeuqzoe jens tsain nghuot. Nyamoq dah vnyau vshih mas jes muh yoh wons bang 22,034 yuk bos.

⁸Bekha loloeu jens gas gau yuk: Zemira, Yoash, Elieza, Elioenai, Omri, Yerimot, Abiya, Anathot yahge Alemet nghuot.

⁹Nyamoq dah yhenbang diuscaiq comh khyvlyis, nyamoq dah vkoq uhshe bang, nyamoq vnyau vshih mas jes thoeuqzoe jens 20,200 yuk bos.

¹⁰Yediael loloeu Bihan ge dvyuk bos. Bihan loloeu jens nyhet yuk: Yeush, Benyamin, Ehud, Khenana, Zethan, Tashi yahge Ahishaha, ge bang tsain bos.

¹¹Nyamoq gas vkoq mas yhenbang dah uhshe bang yahge nyamoq dvnganh nyings hoeuh dah jeslo jens tsain nghuot. Nyamoq dah vnyau vshih mas 17,200 yuk gas jes muh yoh wons bang nghuot.

¹²Shupim yahge Hupim eq haih vnyau bang nghuot. Dan mas Hushim ge loloeu dvyuk bos.

¹³Napthali loloeu jens gas Yaziel, Guni, Yezer, Biha nghuot. (Nyamoq gas Bila[4] dah vnyau vshih jens tsain nghuot).

¹⁴Nyah nyinhungh Aram lonyi khomh mas, Manase ka loloeu aiq yuk bos: Asriel yahge Makhi nghuot. Makhi gas Gilead dah uwus nghuot.

¹⁵Makhi ka Hupim yahge Shupim lyis yhensain nyhiq yoeus dyei. Makhi dah nhamhmuh Makha nghuot. Nyah vnyau vshih mas Zelophehad ge soeu ka lonyi kyingh dvbos.

¹⁶Makhi gas nyah yhensain nyhiq Maka khomh mas loloeu aiq yuk bos. Hauh lotang lhyi Peresh yahge Sheresh ge nyhink. Peresh loloeu aiq yuk bos: Ulam yahge Rakem nghuot.

¹⁷Ulam loloeu gas Bedan. Hauh bang gas Manase nyeilo loloeu Makhi dah loloeu Gilead dah vnyau vshih jens nghuot.

¹⁸Gilead dah nhamhmuh Hamoleket gas Ishod, Abieza yahge Mala moq lyis khoeu kat.

¹⁹(Shemida loloeu jens gas Ahian, Shekhem, Likhi yahge Aniam.)

²⁰Haih zis gas Ephraim dah vnyau vshih dius caiq nghuot: Ephraim, Shuthela, Bered, Tahat, Elada, Tahat,

²¹Zabad, Shuthela. Eza yahge Elead gas Gat mau mas nyeis cauh bang dah gaunyhauq e khauh yvmvyah sat zis xauh.

²²Nyah zomh dah uwus Ephraim ka nyangh shoq shoh nyeis. Nyah boekyis jens nyang lyis nhaiq los taink.

²³Hauh thang lhyi nyang nyah yhensain nyhiq jyank mas wvng las lo dvyuk bos los. Hauh lo lyis Beria[5] ge nyhink: khasoeh ge lyis nyah yhen mha yaukyenh cho jweh los.

²⁴Nyah lonyi Shera gas Bet Horon O wus, Thoq wus yahge Uzen Shera wus lyis kuot soeu nghuot.

²⁵Ephraim mha Repha ge dah loloeu dvyuk doms bos. Nyah vnyau vshih dius caiq gas, Reshep, Tela, Tahan,

²⁶Ladan, Amihud, Elishama,

²⁷Nun, Yoshua.

²⁸Nyamoq sain lha nyeis mau gas Bethel yahge nyah wus jens: Buisthuq pheh Naran, Buiswvng pheh Gezer yah nyah wus jens mas jweh shoq tsain nyeis. Shekhem yahge Aiya, haih aiq wus dah vyvm vwi mas joq dah wus jens jweh shoq tsain nghuot.

²⁹Manase vnyau vshih gas Bet Shean yahge nyah wus jens, Tanak yahge nyah wus jens, Megido yahge nyah wus jens, Dor yahge nyah wus jens lyis guon. Hauh maunyeis dvnganh mas Yakop loloeu Yosep dah vnyau vshih jens nyeis.

³⁰Haih bang gas Asher dah lo jens nghuot. Asher loloeu nyei yuk bos: Imna, Ishwa, Ishwi, Beria. Asher mas Sera ge dah lonyi dvyuk bos.

³¹Beria dah loloeu aiq yuk nghuot: Heba yahge Bizait dah uwus Malkhiel nghuot.

³²Heba mas Yaplet, Shoma, Hotham ge loloeu somh yuk yahge lonyi Shua bos.

³³Yaplet mas eq Pasak, Bimha yahge Ashwat ge loloeu somh yuk bos.

³⁴Nyah vnoeuh Shoma gas Ahi, Roga, Yehuba yahge Aram ge loloeu nyei yuk bos.

³⁵Nyah vnoeuh Hotham mas Zopha, Imna, Shelesh yahge Ama ge loloeu nyei yuk bos.

³⁶Zopha vnyau vshih jens gas Sua, Hanepha, Shua, Beri, Imra,

³⁷Beza, Hod, Shama, Shilsha, Yitran yahge Bera.

³⁸Yetha vnyau vshih jens gas Yephunne, Pispa yahge Ara.

³⁹Ula vnyau vshih jens gas Ara, Haniel yahge Rizia.

⁴⁰Hauh bang dvnganh gas Asher vnyau vshih jens mas yhenbang dah uhshe bang nghuot. Nyamoq gas jes thoeuqzoe lyes jens yahge nyings hoeuh dah uhshe bang nghuot. Asher dah vnyau vshih mas jes muh yoh wons goeus bang 26,000 yuk bos.