Read Achang 2 SUNGSON 27 Bible Online

2 SUNGSON 27 - Achang bible

2 SUNGSON 27

¹Yotham ka nyah nyenhkyi aiqci oeng zvn bos lyis hwankti bweh los las Yerusalem mas dvci khyuk zvn guon khoq. Nyah ungwes gas Zadok lonyi Yerusha nghuot.

²Nyang gas nyah uwus Uzia dah cho dvnganh chank kuot zis yah YHENSAIN dah nyoqlvtjvng mas jus zis kuot, nghuot laus eq nyah uwus yah ma doeusgoh, nyang gas Yhenmuh mas xangh ngheq cho kuot las ma cu.[16] Nghuot laus eq dius jens gas yaunos kuot.

³Nyang gas YHENSAIN yhenmuh dah Mautsung Khyamkhomh ci, Yerusalem wusciank, Ophel ge dah jing shot pheh nyoshoq tsoq ci.

⁴Yuda boms mas wus jens kuot, saiqyos mas eq tyoeuqzvm yahge thoenkgus jesdvp tsain kuot.

⁵Nyang Amon hwankti lhyi zan las ung. Hauh zvn lyis Amon jens gas nyang lyis ngwis nyei tan, sunghso oeng mons luh, oh oengmons luh dyei. Amon jens gas aiq yahge somh vzvn lyis eq hounyhoq nyhoq dyei.

⁶Yotham ka YHENSAIN nyah Mangso lhyi lomluk luk domsyos gyo yvmvyah nyang yombos los.

⁷Yotham kuot cho nyet shih goeu dvnganh, jeszan cho, nyah cho dvnganh Israel yahge Yuda hwankti jens dah maussauh mas lhaih toh.

⁸Nyang hwankti bweh los uhlyis aiqci oeng zvn nghuot las Yerusalem mas dvci khyuk zvn guon khoq.

⁹Housoeh Yotham ka nyah phauh thyeih moq yah yhet pyo lha Dawi dah wus mas nyhop. Nyah lo Ahaz gas nyah joqyos mas guon khoq.