Read Achang EZRA 1 Bible Online

EZRA 1 - Achang bible

EZRA 1

¹Persia Hwankti Kuru guon yoq cangxeih vzvn[1] lyis, haih taiq hoeuh cho lhaih las nyah munghdan gonh nghap tyo kat das xiklyis Kuru dah ehnyet lyis nhauh kat las YHENSAIN ka Yeremia dah lvpe dang nyuk nhang.

²Heika Persia Hwankti Kuru taiq zis nghuot: YHENSAIN, Maukhung dah Mangso ka nyeisjvng thoq mas dah munghdan dvnganh ngos lyis dyei goeus. Nyang gas Yuda mau Yerusalem mas nyah xiklyis Yhenmuh tsuk das zis ngos lyis toeuq toh goeus.

³Yerusalem mas nyeis YHENSAIN, Israel Mangso dah Yhenmuh doms tsuk das xiklyis, namoq Yuda dius dvnganh gas Yuda mau Yerusalem wus pheh tauh loh geh. Israel dah Mangso ka namoq yah dvgeh nghuot bas jungh.

⁴Jons doeus loh Yuda jens mas nyet nyeis bang nyeis dah joqyos khanghmuh mas nyeis bang gas Yerusalem mas joq dah Mangso Yhenmuh nyhenshang xihhonh zis yah vlu eq huon kat bas jungh, hauh thoq lyis, hauh Yuda jens lyis ngwis xing, gyung cho mha zokho, gaunyhauq yah pangh kat bas jungh, ge.

⁵Housoeh las hank eq hank dah nhaiqlom mas nhauh zis xauh dah Yuda yahge Benyamin vnyau dah uhshe bang yah dvgeh phudyei bang yahge Lewi jens dvnganh gas Yerusalem mas joq, YHENSAIN dah Yhenmuh tsuk das nyhenshang toq loh.

⁶Nyamoq dah yhenkyoh bang dvnganh eq nyamoq xihhonh ehnyet yah dyei dah Yhenmuh vlu thoq lyis, ngwis xing kyahsoe, gyung cho zokho, gaunyhauq, yahge phauhdap vyhang nyoshoq dyei kat.

⁷Hwankti Kuru nyang nyang, Nebukhaneza Yerusalem YHENSAIN Yhenmuh masyah khyom los las nyah phvra yhenmuh mha toh dah bathoeuh, khuq tsain yoeus thuq los.

⁸Persia hwankti Kuru gas Persia ziszom Mithreda lyis hauh zis suon lha Yuda mau pheh tauh loh dah jonsdoeus dah Yuda jens lyis uhshe soeu Sheshbaza lyis dyei nhang.

⁹Heika Kuru vlu dyei dah zis nghuot. Xing phont — 30 ngwis phont — 1,000 gohtoeu khuq[2] — 29 Xing khuq — 30 ngwis khuq — 410 gohtoeu vyhang — 1,000

¹¹Ngwis xing zis dvnganh lyis oengkhyoengh nyeixo nghuot. Hai dvnganh lyis Sheshbaza gas jonsdoeus bang yah dvgeh, Babilon masyah Yerusalem pheh tauh los uhlyis yoeus los.