Read Achang EZRA 10 Bible Online

EZRA 10 - Achang bible

EZRA 10

¹Ezra shvmanh dung las curhen, ngaus, Mangso dah Yhenmuh xik mas paiq nyeis uhlyis Israel mas dah dius jens vbusbih, vmesbih, loshang jens bos moqphung ka nyah jyank mas zain los las nyamoq svsoh ngaus.

²Hauh uhlyis Elam vhuh, Yehiel lo Shekhania Ezra lyis taiq zis gas, Ngamoq gas haih mau mas gohnyau lonyi lyis yoeus las, yah Mangso lhyi cu goeus, nghuot laus eq haih yvmas Israel jens xiklyis nghamhloms chank bos shih.

³Housoeh las gvshih nvng ngah yhensain eq, yah Mangso taiq toh dang lyis gyukwoms bang eq, ngamoq lyis joeui da dyei zis yah dvyhangteh, ngamoq dah yhensain nyhiq jens yahge lo jens lyis tyamp das xiklyis, yah Mangso xikkhonh mas thanghchvp tsain toh goh. Hauh yvlyis Mangso dah lyi yah dvyhangteh kuot goh.

⁴Toq aq, haih soe ka nah yvwons nghuot, ngamoq eq nvng yah dvgeh nghuot las womh ehnyet bos zis yah kuot aq, ge.

⁵Hauh uhlyis Ezra toq las phudyei uhshe bang, Lewi jens dah uhshe bang yahge Israel jens dah uhshe bang dvnganh, Shekhania dah dang yah dvyhangteh chank kuot das ge, nyamoq mau khi.

⁶Hauh thang lhyi Ezra gas Mangso dah yhen ganthoq masyah toq las Eliashib lo Yehohanan dah yvp mas wvng loh. Nyang houmha jweh lyis jons luiq los bang lom ma luk gvng mas nhaiqkuk nyeis. Nyang wom ma zo, jeis ma shuk.

⁷Housoeh las nyamoq gas Yuda mau yahge Yerusalem wus gonh mas jonsdoeus loh masyah tauh los bang dvnganh Yerusalem mas huom chah ge kyoh kat.

⁸Uhshe bang yahge logis jens joeui da zis yah dvyhangteh, somh nyeih gyo lyis ma los soeu hank laus eq nyang yoh vyhang somh das, nyah gungs eq jons luiq los bang moqphung mhayah kangh tyamp das, ge.

⁹Housoeh las Yuda yahge Benyamin yukgis jens dvnganh gas somh nyeih gyo, gau vkhyvp dvci aiq vnyeih lyis Yerusalem, Mangso dah yhen ganthoq pazoe mas huom. Haih soe gvng mas eq, maugis wus las eq dius jens dvnganh gas nvn nyeis.

¹⁰Hauh uhlyis phudyei Ezra toq las nyamoq lyis taiq zis gas, Namoq lom ma luk, Israel dah yobos zes lyei shoq gohnyau bang lonyi yoeus.

¹¹Housoeh las YHENSAIN phauh thyeih moq dah Mangso lhyi curhen lha, nyang o khyvlyis kuot geh; namoq haih mau mas dius jens yah gang geh, gohnyau yhensain nyhiq jens lyis kangh tyamp geh, ge.

¹²Moq dvphung gonh kaiq toeuh zis gas, Nghuot goeus, nvng taiq khyvlyis ngamoq kuot das.

¹³Nghuot laus eq dius nyo zis yahge maumuh jyang wus nyeis las nghe mha ma yoh yap joq. Haih yobos mas ngamoq nyoshoq bang bos goeus las dvnyeih aiq nyeih yah yoh dye das zis ma nghuot.

¹⁴Moqphung gonh xiklyis, yamoq dah zau jens lyis kuot nhang goh. Lholhyi gohnyau nyi yoeus bang gas doengs toh shishenh lyis, hank eq hank wus mas dah logis jens yahge soetuon bang yah dvgeh los das, housoeh kuot lyis hauh soe yah sen lha yah Mangso dah nhaiqyo cho, yah jyank masyah we loh mvbeh, ge.

¹⁵Asahel lo Yonathan yahge Tikwa lo Yazeia kyingh, hauh cho lhyi he. Meshulam yahge Lewi dius Shabethai eq nyah aiq yuk yah xamxonh.

¹⁶Jons luiq los bang gas hauh toeuq cho lhom yoeus las phudyei Ezra gas vhuh uhshe bang masyah vbusbih dvyhamh lyis toeuq toh las nyamoq dah nyings comh toh. Nyamoq hau soetuon das xiklyis lhamhmuh dvci vkhyvp, cangxeih vnyeih lyis xi loh.

¹⁷Gohnyau nyi yoeus bang dah soe dvnganh lyis lhamhmuh somh khyvp gyo lyis dye yen.

¹⁸Phudyei vhuh mas gohnyau nyi yoeus bang gas, Yeshua vhuh mas Yozadak lo yahge nyah vnoeuh moq Maseia, Elieza, Yarib, Gedalia nghuot.

¹⁹Nyamoq gas nyamoq dah yhensain nyhiq jens lyis tyamp das ge dangthoengh toh. Nyamoq gas yobos bos las yobos khyuot phudyei xiklyis yvnglus dvdoeu phudyei.

²⁰Ima vhuh Hanani yahge Zebadia.

²¹Harim vhuh Maseia, Eliya, Shemaia, Yehiel yahge Uzia,

²²Bashhur vhuh Elioenai, Maseia, Ishmael, Nethanel, Yozabad yahge Elasa eq nghuot.

²³Lewi jens mas eq, Yozabad, Shimei, Kelaia ge dah Kelita, Pethahia, Yuda yahge Elieza moq nghuot.

²⁴Ehashib; Shalum, Telem, Uri nghuot.

²⁵Parosh vhuh Ramia, Izia, Malkhia, Miyamin, Eleaza, Malkhiya, yahge Benaia.

²⁶Elam vhuh mas Matania, Zekharia, Yehiel, Abdi, Yeremot, Eliya.

²⁷Zatu vhuh mas Elioenai, Eliashib, Matania, Yeremot, Zabad, yahge Aziza.

²⁸Bebai vhuh mas Yehohanan, Hanania, Zabai, Atlai.

²⁹Bani vhuh mas Meshulam, Maluk, Adaia, Yashub, Sheal, yahge Yeremot.

³⁰Pahat Moab vhuh mas: Adna, Khela, Benaia, Maseia, Matania, Bezali, Binnui, yahge Manase.

³¹Harim vhuh mas: Elieza, Ishiya, Malkhiya, Shemaia, Shimeon, Benyamin, Maluk, yahge Shemaria.

³³Hashum vhuh mas Matenai, Matata, Zabad, Eliphelet, Yeremai, Manase, yahge Shimei.

³⁴Bani vhuh mas Ma Adai, Amram, Uel, Benaia, Bedeia, Kheluhi, Wania, Meremot, Eliashib, Matania, Matenai, yahge Yasu,

³⁸Binnui vhuh mas: Shimei, Shelemia, Nathan, Adaia, Maknadebai, Shashai, Sharai, Azarel, Shelemia, Shemaria, Shalum, Amaria, yahge Yosep.

⁴³Nebo vhuh mas: Yeiel, Metithia, Zabad, Zebina, Yadai, Yoel, yahge Benaia.

⁴⁴Haih bang dvnganh, gohnyau nyi yoeus. Dvyhamh gas hauh nyi jens mas lo eq bos. Nyamoq gas hauh nyamoq dah yhensain nyhiq jens yahge nyamoq dah lo jens lyis loh lo nhang[10]