Read Achang NEHEMIA 11 Bible Online

NEHEMIA 11 - Achang bible

NEHEMIA 11

¹Uhshe bang gas Yerusalem wus mas tsain nyeis. Gohtoeu ka dvci yhen mha dvyhen gyingshang dah Yerusalem mas, nyet bang lyis gohtoeu wus jens mas nyeis nhang das xiklyis doeugoh zis yah tsain thyet.

²Yerusalem mas vsainnyang xihhonh zis yah nyeis bang lyis dius jens tsain chungh.

³Gohtoeu wus jens mas Israel jens, phudyei bang, Lewi vnyau vshih jens, Yhenmuh muh zwi bang yahge Solomon dah jyeidwis jens masyah yaus lyih bang gas vsainnyang wus vsainnyang yhen mha tsain nyeis. O mha zis gas Yerusalem wus mas nyeis, Yuda vnyau masyah yaus bang, Yuda mauxom mha dah uhshe bang tsain nghuot.

⁴Zekharia nyeilo, Uzia dah lo Athaia. Gohtoeu nyah phauh thyeih moq mas Yuda lo Pere masyah yaus lyih soeu Amaria, Shephatia yahge Mahalale moq bos.

⁵Khothoze nyeilo, Baruk lo Maseia. Gohtoeu nyah phauh thyeih moq Shilo mas Yuda lo Shela masyah yaus lyih bang Hazaia, Adaia, Yoiarib, Zekharia moq tsain bos.

⁶Pere dah nyei nyet jens mas thoeuqzoe 468 yuk moq gas Yerusalem mas nyeis.

⁷Yoed nyeilo, Meshulam dah lo Salu. Gohtoeu nyah phauh thyeih moq mas Pedaia, Kolaia, Maseia, Ithiel yahge Yeshaia moq tsain bos.

⁸Salu dah sainhchangh jens Gabai yahge Salai moq nghuot. Benyamin vkoq mas zis dvnganh lyis 928 yuk moq gas Yerusalem mas tsain nyeis.

⁹Zikhri lo Yoel gas nyamoq dah uhjyung nghuot. Hasenua lo Yuda gas wus mas dah uhjyung aiq vyuk nghuot.

¹⁰Yoiari lo Yedaia yahge Yakin,

¹¹Meshulam nyeilo, Hilkia lo Seraia nghuot. Nyah phauh thyeih moq mas bos zis gas, Zadok, Meraiot yahge phudyei zainsmuh Ahitub moq nghuot.

¹²Haih vhuh dvnganh lyis 822 yuk moq gas Yhenmuh mas tsain phuqsoe. Pelalia nyeilo, Yeroham lo Adaia nghuot. Nyah phauh thyeih moq mas Amzi, Zekharia, Pashur, Malkhiya moq bos.

¹³Haih vhuh mas dvnganh lyis 242 yuk moq gas vhuh uhshe bang nghuot. Azai nyeilo, Azarel lo Amashsai nghuot. Nyah phauh thyeih moq Meshilemot yahge Imer moq bos.

¹⁴Haih vhuh mas jes thoeuqzoe jens 128 yuk moq nghuot. Nyamoq dah uhshe soeu ka vhuh uhshe bang mas bos dah Zabdiel nghuot.

¹⁵Azrikam nyeilo, Hashub lo Shemaia nghuot. Nyah phauh thyeih moq Hashabia yahge Buni moq bos.

¹⁶Yhenmuh nghe pheh dah muh lyis yoeuh dah Lewi logis jens Shabethai yahge Yozabad.

¹⁷Asap vnyau vshih Zabdi nyeilo, Mikha lo Matania gas nhaiqshoqlang shvmanh dung dah chunghthwe kat yvmas Yhenmuh chunghthwe kat bang lyis uhshe soeu nghuot. Matania dah pangh thuk soeu ka Bakbukia nghuot. Yeduthun dah vnyau vshih, Galai nyeilo, Shamua lo Abda nghuot.

¹⁸Gyingshang wus Yerusalem mas nyeis dah Lewi jens dvnganh lyis 284 yuk.

¹⁹Akub, Talmon yahge nyamoq dah sainhchangh jens dvnganh lyis 172 yuk.

²⁰Nyet shih Israel dius jens yahge nyet shih Phudyei bang yahge Lewi jens gas gohtoeu Yuda wus jens mas vsainnyang vso maunyeis mas tsain nyeis.

²¹Yhenmuh muh zwi bang gas Yerusalem wus Ophel ge yvmas nyeis las Ziha yahge Gishpa gungh yvmas muh tsain zwi.

²²Yerusalem mas nyeis dah Lewi jens lyis yoeuh guon soeu ka Hashabia nyeilo, Bani lo Uzi nghuot. Nyah phauh thyeih moq gas Matania yahge Mikha moq bos. Nyang gas Asap vhuh yah sen. Nyang gas Yhenmuh mas paiq cho mha toenk khvlhank yvwons yoeus soeu nghuot.

²³Nyamoq gas khanyeih khaja kuot aq ge hwankti taiq toh zis yah dvyhangteh kuot.

²⁴Yuda dah lo Zera vhuh Meshezabe lo Pethahia gas Israel dius nyau yah sen dah muhzoh dvnganh xiklyis hwankti lhyi joeui dyei soeu nghuot.

²⁵Dius jens nyoshoq gas nyamoq dah danh yvm mas danh wus jens mas tsain nyeis. Yuda vkoq gas Kiriat Arba, Dibon yahge Yekabzel wus jens yahge hauh vyvm vwi wukhau jens mas tsain nyeis.

²⁶Nyamoq gas Yeshua, Molada, Bet-Pelet,

²⁷Hazashua, Besheba wus jens yahge vyvm vwi wukhau jens mas tsain nyeis.

²⁸Ziklag, Mekhona yahge vyvm vwi wukhau jens,

²⁹En Rimon, Zora, Yarmut,

³⁰Zanoa, Adulam yahge vyvm vwi wukhau jens mas nyeis. Lakhish wus yahge hauh vyvm vwi danh mas, Azeka yahge nyah wukhau jens mas tsain nyeis. Houka Yuda jens gas mautyi pheh Besheba yahge mautsung pheh Hinom Langhkhau jo maunyeis mas tsain nyeis.

³¹Benyamin vkoq gas Geba, Mikmash, Ai, Bethel wus jens yahge hauh vyvm vwi wukhau jens mas,

³²Anathot, Nob, Anania,

³³Hazo, Rama, Gitaim,

³⁴Hadid, Zeboim, Nebalat,

³⁵Lod yahge Ono wus yahge loqmuh dap bang langhkhau mas tsain nyeis.

³⁶Yuda mau mas dah Lewi jens dvyhamh gas Benyamin dius jens yah dvgeh nyeis.