Read Achang NEHEMIA 7 Bible Online

NEHEMIA 7 - Achang bible

NEHEMIA 7

¹Wusciank dye ci lha wus khomh jens eq dvnganh dye kat thang lhyi khomh zungh bang, chunghthwe kat bang, gohtoeu Lewi jens lyis muh kyauh toh.

²Yerusalem wus lyis guon das xiklyis ngah vnoeuh Hanani yahge thoenk gus jesdvp guon soeu Hanania lyis muh kyauh toh. Hanania gas yoh loms soeu, dvnganh thoq lyis Mangso lhyi gyukwoms soeu nghuot.

³Ngos nyah aiq yuk lyis taiq toh zis gas, Wus khomh lyis buis ma canh doengs shih lyis vphank nhang goh, nyenhthang lhyi eq khomh zungh bang nyeis shih lyis khomh kyank nhang lo geh. Yerusalem wus vkhau mha nyeis bang mas zungh bang lyis khyoq toh las, nyamoq dvyhamh lyis joqyos top top mas zungh nhang lha, dvyhamh lyis vsainnyang yhen nvm mas eq zungh nhang geh, oen tying toh.

⁴Yerusalem wus gas lvm laus eq, houmha nyeis bang nain las yhen nyoshoq ma yoh tsuk shih.

⁵Mungh dius jens yahge nyamoq dah uhshe bang, zau jens lyis khi huom lha nyamoq yhenbang khanyhoq nghuot yvlyis kyink yoeus das xiklyis, Mangso ngos lyis soq muot kat dyei. Jonsdoeus loh masyah cangxeih doms jweh los bang nyings lhaih toh yvlyis heisoeh xo nyvng.

⁶Houmha heisoeh ge lhaih toh: Babilon hwankti Nebukhaneza nyhik shwih loh masyah Babilon mas nyeis khoq bang gas nyamoq dah mau nghuot dah Yerusalem yahge gohtoeu Yuda wus jens pheh doms tauh los.

⁷Nyamoq dah uhshe bang gas, Zerubabe, Yoshua, Nehemia, Azaria, Ramia, Nahamani, Mordekhai, Bishan, Misperet, Bigwai, Nehum, Bana moq tsain nghuot.

⁸Heika jonsdoeus masyah tauh los, Israel vhuh jens nyang huh nyang dah nyings tsain nghuot. Parosh vhuh — 2172 yuk Shephatia vhuh — 372 Ara vhuh — 652 Yeshua yahge Yoab vnyau vshih Pahat Moab vhuh — 2818 Elam vhuh — 1254 Zatu vhuh — 845 Zakhai vhuh — 760 Binnui vhuh — 648 Bebai vhuh — 628 Azgad vhuh — 2322 Adonikam vhuh — 667 Bigwai vhuh 2067 Adin vhuh — 655 Hezakia eq ge dah Ater vhuh — 98 Hashum vhuh — 328 Bezai vhuh — 324 Harip vhuh — 112 Gibeon vhuh — 95

²⁶Nyamoq phauh thyeih moq nyeis lyih dah wus mas bang eq tauh los. Betlehem yahge Netopha dius — 188 Anathot dius — 128 Bet Azmawet dius 42 Kiriat Yearim, Khephira yahge Berot dius — 743 Rama yahge Geba dius — 621 Mikma dius — 122 Bethel yahge Ai dius — 123 Gohtoeu Nebo dius — 52 Gohtoeu Elam dius — 1254 Harim dius — 320 Yerikho dius — 345 Lod, Hadid yahge Ono dius 721 Sena dius — 3930 yuk nghuot.

³⁹Heika jonsdoeus masyah tauh los dah phudyei vhuh jens: Yedaia vnyau vshih, Yeshua vhuh — 973 Imer vhuh — 1052 Pashur vhuh — 1247 Harim vhuh — 1017

⁴³Jonsdoeus masyah tauh los dah Lewi vhuh jens: Hodawia vnyau vshih mas Yeshua yahge Kadmiel dius — 74; Asap vnyau vshih yhenmuh chunghthwe kat bang — 148; Shalum, Ater, Talmon, Akub, Hatita yahge Shobai vnyau vshih khomh zungh bang — 138 yuk tsain nghuot.

⁴⁶Jonsdoeus masyah tauh los, yhenmuh jyeidwis jens vhuh gas: Ziha, Hasupha, Tabaot, Kero, Sia, Padon, Lebana, Hagaba, Shalmai, Hanan, Gidel, Gaha, Reaia, Rezin, Nekoda, Gazam, Uza, Pasea, Besai, Meunim, Nephushesim, Bakbuk, Hakupha, Hahu, Bazlit, Mehida, Harsha, Barko, Sisera, Tema, Nezia yahge Hatipha tsain nghuot.

⁵⁷Jonsdoeus masyah tauh los, Solomon dah jyeidwis vhuh jens gas, Sotai, Sopheret, Perida, Yala, Darkon, Gidel, Shephatia, Hatil, Pokheret Hazebaim yahge Amon tsain nghuot.

⁶⁰Jonsdoeus masyah tauh los, yhenmuh jyeidwis jens yahge Solomon dah jyeidwis jens dah vnyau vshih dvnganh lyis 392 yuk nghuot.

⁶¹Tel Mela, Tel Harsha, Kherub, Adon yahge Imer wus masyah tauh los, Delaia, Tobia yahge Nekoda vkoq jens yah sen bang 642 yuk nghuot. Nghuot laus eq nyamoq gas Israel vnyau vshih nghuot ge ma yoh shap xoeuq.

⁶³Phudyei bang tsain nghuot las nyamoq dah phauh thyeih gas phudyei vnyau nghuot ge ma yoh kyink bang gas, Hobaia, Hakoz yahge Bazilai vhuh nguot. Bazilai gas nyah yukphoq Gilead dius Bazilai dah nyings yoeus toh soeu nghuot. Nyamoq gas nyamoq dah phauh thyeih lyis ma yoh shap gvng mas, phudyei bang khyvlyis lhom yoeus zis ma xauh.

⁶⁵Mungh zau eq, phudyei soeu ka Urim yahge Thumim lyis yhung lha nyamoq lyis khasoeh kuot das cho Mangso lhyi ma nyei yoeuh dvchank gyingshang zonoms vzo, ge nyamoq lyis tung toh.

⁶⁶Jonsdoeus masyah tauh los bang dvnganh lyis 42,360 yuk nghuot. Nyamoq dah jyeidwis jens vbusbih vmesbih 7,337 yuk, chunghthwe kat bang vbusbih vmesbih 245 yuk. Nyang jens 736 doeu Luzoe 245 doeu Gola-u 435 doeu Mauhlyihzoe 6,720 doeu tsain bos.

⁷⁰Dius jens nyoshoq Yhenmuh doms soq tsuk dah xiklyis vlu kat. Mungh zau gas, xing — 8.4 kilogram, — Mangso dah yhen mha chi dah khuq 50 khyvp. — phudyei bang xiklyis dyixing 530 thau, Vhuh uhshe bang xing — 126 kilogram — ngwis 1,200 kilogram Gohtoeu dius jens xing 126 kilogram — ngwis 1090 kilogram — phudyei thau 67 tsain dyei kat.

⁷³Phudyei bang, Lewi jens, Yhenmuh zungh bang, chunghthwe kat bang, yhenmuh jyeidwis jens yahge dius laiq jens nyoshoq bos dah Israel jens dvnganh gas, Yuda wus yahge wukhau jens mas los tsain nyeis.