Read Achang YOBA 12 Bible Online

YOBA 12 - Achang bible

YOBA 12

¹Nghuot goeus, namoq gas yhaugyen bang nghuot las, namoq shei lhyi joeui eq namoq dvgeh shei das.

³Namoq mas sohseq cho bos nyhoq ngos mas eq bos. Namoq ngah thoq lyis ma zes gis. Yuk khanghmuh nvng cha taiq zis dvnganh seq.

⁴Gvshih ngah dyenschangh jens yangh ngos lyis yis; Ngos Dan las yobos huon chank ma bos laus eq nyamoq ngos lyis yis. Nghuot laus eq Mangso ngos dung lyis toeuh dyei shishenh bos.

⁵Namoq yau cho ma bos las ngos lyis nyhap, namoq gas lains bah ge soeu lhyi bat.

⁶Nghuot laus eq lhuot zo dah khyanktau jens yahge mangso ma bos bang gas nyenstap zis yah nyeis. Nyamoq dah mangso ka nyamoq dah yom dvnghuot.

⁷Nghoq jens yahge gaunyhauq jens yangh namoq lyis yoh jyauh das zis nyoshoq bos.

⁸Nyeisjvng thoq yahge thomh mas dah dwis ya dwis zis lyis nyamoq dah joeui nyei aq.

⁹Nyamoq lyis YHENSAIN loq yah kuot toh zis nyamoq dvnganhmoq seq.

¹⁰Dwis ya dwis dah kang lhyi shwih soeu ka Mangso nghuot. Yuk khanghmuh dah kang ka nyah yomsoq khau mha nghuot.

¹¹Dang gyo no chi aq, shoh shang zwi chi aq.

¹²Dius cauh jens gas joeui bos; nghuot laus eq Mangso ka joeui yahge yomsoq bos. Dius cauh jens gas do lhain; Mangso ka do lhain cho yahge kuot das yomsoq bos.

¹⁴Mangso thyoq khyoq lyis hank yoh doms tsuk, Mangso lhunk toh bang lyis hank yoh phui kat?

¹⁵Mangso mau lyis zwi toh lyis mau phangh; Nyang jeis doms phaiq kat lyis jeis nhauq los.

¹⁶Mangso ka yombos las vjangh ung; mhuih soeu yahge mhuih zis xauh soeu aiq yuk yah nyah yomsoq mas nghuot.

¹⁷Nyang guon bang dah joeui lhyi yoeus tyamp. Uhshe bang lyis eq koh nhang.

¹⁸Nyang hwankti jens khyoq las thung lungh nhang.

¹⁹Phudyei bang yahge yomsoq bos bang lyis nyhen mha khyoq.

²⁰Loms toh bang lyis nyang samlo kuot tyamp. Logis jens dah joeui lhyi yoeus tyamp dyei.

²¹Nyang yomsoq bos bang lyis xoqphuh nhang, guon bang dah yom lyis eq thank loh nhang.

²²Nyang shei cho teh chuot dah joqyos mas bvng zis tsain pank dyei.

²³Nyang dius nyau jens lyis yombos kuhxing nhang, nghuot laus eq hauh thang lhyi nyang ung lha nyamoq lyis mhont tyamp.

²⁴Nyang nyamoq dah uhshe bang lyis koh nhang lha whang yenh zis yah khamkhvv lha dyuk loh.

²⁵Nyamoq gas mauchuot dwang mas sop yenh. Nyamoq yheiyet bang teh vtyi vkamh loh.