Read Achang YOBA 13 Bible Online

YOBA 13 - Achang bible

YOBA 13

¹Ngos nvng taiq zis dvnganh xauhgyo ku. Ngos dvnganh seqgyo, ngos namoq seq nyhoq seq. Ngos namoq o mha ma gyoh.

³Nghuot laus eq ngos xamgoh mes zis gas nvng yah ma nghuot, Mangso yah dvnghuot. Ngos ngah soe nyang yah taiq phyen-goh mes.

⁴Namoq dah ma seq cho lhyi hwah zis yah nghop shung; namoq gas hank lyis eq ma yoh yhoh dah lastsiang jens teh nghuot.

⁵Namoq samlo nyeis ya, namoq joeui bos ge dvyuk yuk nghamh mvbeh.

⁶Ngah soe taiq uhlyis gyo geh.

⁷Namoq chamus hwah nyeis goh, namoq hwah zis gas Mangso lhyi vkyuh dyei das oen nghamh goh lhyeh?

⁸Namoq gas Mangso o khyvlyis kuot oen lhyeh? Nyah soe lhyi soetuon jang mas taiq phyen-goh das lhyeh?

⁹Mangso namoq lyis tanh tanh yoeuh lyis nyang gis zis xo nyvng das lah? Nvng gohyuk lyis mhuih teh Mangso lhyi yoh mhuih das oen nghamh lhyeh?

¹⁰Namoq nyoqnho ma khyen teh kuot laus eq nyang namoq lyis than than nyho das.

¹¹Nyah yomsoq gas namoq lyis gyuk cho dyingh nhang das.

¹²Namoq dah sodang gas nyiyvp teh yhung pvjus. Namoq taiq goh zis eq thomhbop teh yomnhuk.

¹³Samlo nyeis geh, ngos lyis taiq das toeuh dyei geh: cha bweh lyis eq bweh goeus jungh.

¹⁴Ngos ngah kang dyei das zis cicont nghuot.

¹⁵Nyang ngos lyis sat das las ngos nghamhloms chank ma bos, nghuot laus eq ngos nyang lyis ngah soe taiq das.

¹⁶Lhung soeu ka Mangso xikkhonh mas ma womh yap yvmvyah, haih zis gas ngos lyis jyoengh khyuot yoeus mvbeh.

¹⁷Gvshih ngos taiq phui dang lyis gyo geh.

¹⁸Ngos jus yvlyis ngos seq yvmvyah, ngos ngah soe taiq das zis cicont nghuot.

¹⁹Mangso eh, nvng ngos lyis kauq das zis los lhyeh? Housoeh nghuot lyis gas ngos samlo shei loh das zis cicont nghuot.

²⁰Ngos lyis hai aiq ja jenh dung nhang aq; housoeh lyis ngos nvng lyis ma tamh das.

²¹Ngos lyis vjoeng lo, nah gyukphoh zis yah ngos lyis vthungh thyi tyamp.

²²Mangso eh, taiq shih taiq aq, ngos toeuh das; nghuot ya, ngos lyis taiq nhang lha nvng ngos lyis phuk taiq aq.

²³Ngos ma gis cho yahge yaunos khanyhoq kuot goeus? Ngos cu cho yahge ngah yaunos ngos lyis chixoeuq aq.

²⁴Nvng ngos lyis chamus jhank? Ngos lyis nah jeswus teh chamus kuot?

²⁵Nvng ngos lyis kyuk das lah? Ngos gas saiqhuq kyingh dvnghuot. Nvng gas huhyau kyuk dvkhvt lyis dvzan nyeis.

²⁶Nvng ngos lyis tyi lha khoh khoh tsuk cho she los, ngah loyvm yoq lyis dah yaunos lyis yangh taiq pau.

²⁷Nvng ngah khyei lhyi kyomh kyomh toh, ngos bescheh khanghmuh zungh yoeuh nyeis, ngah khyeiyos lyis yangh kyink nyeis.

²⁸Hauh vthang ka ngos gas saiq bop teh, naus zo dah dyimis teh yom loh.