Read Achang YOBA 15 Bible Online

YOBA 15 - Achang bible

YOBA 15

¹Vjyuk ma bos dang, Yoba eh, vjyuk ma bos dang!

³Joeui bos soeu hank eq nvng teh ma taiq, nghuot ya houteh vjyuk ma bos dang yah gungs gos dang ma taiq.

⁴Nvng nvnyang cho loh lyis Mangso lhyi hank ma gyukwoms das, nyang lyis shvmanh hank ma dung das.

⁵Nvng taiq dang masyah nvng lhung cho dede thuq los, nvng gas yik dah dang yah gos las tamh joq.

⁶Ngos nvng lyis dang thang ma thyet noh, nvng nvnyang taiq dangkhonh khanghmuh yah dvthyet nyeis.

⁷Nvng gas cangxeih khoeu los dah dius nghuot oen nghamh lhyeh? Mangso boms lyis kuot uhlyis nvng houmha nyeis lhyeh?

⁸Nvng Mangso yah maukhung loeuswons bang dah huom cho lhyi bos xauhgyo lhyeh? Dius dah joeui ka nvng yah kyingh sen lhyeh?

⁹Nvng ngamoq ma seq zis cha eq ma seq.

¹⁰Ngamoq gas uhthyoeu bang jyank masyah joeui xuq, nyamoq gas namoq uwus ma khoeu shih lyis khoeu goeus.

¹¹Mangso nvng lyis nhaiqtaink cho dyei; chamus hauh yvlyis peq tyamp nyeis shih? Ngamoq nyah xiklyis dangkhonh yah yangh nyens nyens taiq.

¹²Nghuot laus eq nvng gas sainh hwangh las nhaiqyo zis yah ngamoq lyis nyoqtyi yoeuh.

¹³Nvng Mangso yah nhaiqyo las nyang lyis kyoq kyoq taiq.

¹⁴Cangsoeu dius gas jyoengh yoh gyingshang lhyeh? Dvyuk yuk Mangso xikkhonh mas yoh dan lah?

¹⁵Mangso ka nyah loeuswons bang lyis yangh ma loms? Maukhung yangh nyah nyoqlvtjvng mas ma gyingshang.

¹⁶Ngamoq gas ma gis cho lhyi jeis soeh shuk las, ngamoq dyoqbis goeus, ngamoq vkyuh ma bos lo.

¹⁷Gvshih Yoba eh gyo aq, ngos nyvng zis taiq bah.

¹⁸Joeui bos bang gas nyamoq phauh thyeih moq jyank masyah xuq dah jyoeng cho ngos lyis jyauh. Hauh zis nyamoq nghop shung toh zis cha ma bos.

¹⁹Nyamoq dah mau mas lvbaus ma bos nyeis. Houmha nyamoq lyis Mangso mhayah shwih thuq loh das zis hank ma bos.

²⁰Gohyhamh bang lyis zaiq dah lhung bang gas dvcaiq yah shanghsenh.

²¹Nyamoq no mas gyukphoh thwe nyings huomh toh das. Nyamoq jesluiq ge nghamh nyeis uhlyis khyanktau los thyoq.

²²Sham chi bang gas dvyos masyah nyamoq lyis sat das ge lhom nyeis yvmvyah, chuot masyah phang luiq das zis nghamhloms chank ma bos.

²³Lvngda gas nyamoq dah mvng zo das zis langh nyeis. Nyamoq dah jweh das buisnyeis gas chuot yvlyis nyamoq seq.[5]

²⁴Dyoqbis zainsmuh gas nyamoq lyis kyuk zis yah yomsoq bos dah hwankti teh thyoq das zis langh nyeis.

²⁵Houka Mangso lhyi loqtsop yhonh bang, Yomzains lyis toeu nghank bang dah uhpui loqkyoq nghuot.

²⁶Nyamoq gas khwank las gomloeus toq bang nghuot. Nyamoq gas nyamoq dah gos lyis nhaiqlom than zis yah toeu lha Mangso lhyi tyi lha zan das zis nyhenh loh.

²⁸Nyamoq gas Mangso dah domsyos ma gyo bang nyeis dah wus, dyoq gyoh joq dah yvmas nyeis bang nghuot. Houteh joqyos gas nhoengh zis xauh dah joqyos nghuot oen lomsjingh.

²⁹Nyamoq nyangh shoq ma dis nyeis das, nyang sain zis cha eq ma goeng joq das, hauh siyet yangh dyuk tyamp das.[6]

³⁰Nyamoq gas chuot masyah ma yoh phang luiq das. Nyamoq gas saiqko ngeh kyih dah saiqzains yah doeusgoh das. Nyamoq lyis Mangso soq yah muot tangh tyamp das.

³¹Nyamoq gas ma gis cho lhyi vkoh vpaq loms lyis gas hau ma gis zis gas nyamoq xiklyis phauh ma dap lo.

³²Nyamoq dah shishenh ma jweh shih lyis nyamoq nyhauh loh das; khanhamp eq ma doms nyaus lo nyhauh loh dah vko teh nghuot das.

³³Nyamoq gas zvbiq shih-kyei gywis dah zvbiq nwis teh, vbuh khywi tyamp dah tsanlun zains teh nghuot das.

³⁴Mangso ma bos ge bang xiklyis dius jangh caiq ma bos das; khauwhot yah tsuk toh yhen ka nyi yah mhont tyamp das.

³⁵Haih bang gas yau cho toeuq las ma gis zis kuot bang nghuot. Nyamoq dah nhaiqlom mas vjangh mhuih cho yah dyingh joq, ge.