Read Achang YOBA 19 Bible Online

YOBA 19 - Achang bible

YOBA 19

¹Chamus namoq ngos lyis dang yah tsoq shoeuhshih nyeis goh?

³Namoq ngos lyis dvlhain thang lhyi dvlhain laihwangh: namoq ngos lyis nos nhang das zis ma xoq yvlyis chixoeuq.

⁴Ngos kuot cu lhyi yangh hauh zis nvng lyis khasoeh nos nhang?

⁵Namoq gas ngah thoq lyis zes gis ge nghamh las ngos khamzo yvlyis yobos yoh huon.

⁶Haih zis Mangso kuot yvlyis ma yoh nyvng goh lhyeh? Ngos nyih das xiklyis nyang lhyik thung toh.

⁷Ngos gas, Nyang than than kuot cho lhyi tyi lha tsuk tsuk taiq laus eq hank ma gyo dyei; lyi jus cho kaiq laus eq hank ma xauhgyo.

⁸Mangso ka cho cauq toh las ngos ma yoh lai loh. Nyang ngos loh cho lhyi chuot nhang.

⁹Nyang ngah zisyos dvnganh yoeus tyamp, ngah nyings hoeuh cho lhyi mhont tyamp.

¹⁰Nyang ngos lyis shot khanghmuh masyah bat thyi. Ngos nghamhloms cho lhyi vnyet masyah khuot tyamp zis gas nyhauh las shei loh nhang.

¹¹Mangso nhaiqyo las ngos lyis phot phot tsoeu; nyang ngos lyis nyah dah ma gis thank jeswus lyis teh kuot.

¹²Nyang nyah jesphung lhyi yah ngos lyis zan nhang kat; nyamoq gas gvduk doeu las ngah zvng lyis lhaink toh.

¹³Mangso ka ngvnyang yhenbang ngos lyis tyamp khoq nhang; ngos gas ngos yah seq goh bang mas labaus bweh joq.

¹⁴Ngah boekyis jens eq, ngah dyenschangh jens tsain loh goeus.

¹⁵Ngah yhen mha nyeis khoq dah boenghwus jens gas ngos lyis tohnyhik goeus. Ngah jyeidwis nyhiq jens gas ngos lyis boengh yahge lvbaus teh kuot.

¹⁶Ngos ngah jyeidwis lyis lui lyis nyang ma toeuh; ngos nyang lyis pangh aq oen dung lyis yangh ma toeuh.

¹⁷Ngah yhensain nyhiq gas ngah soq nvm yvlyis ma yoh kham, ngvnyang vmang vnoeuh gas ngos yah ni shoq ma los.

¹⁸Lo jens yangh ngos lyis ma phauh ma nyang, ngos lyis nyvng lyis tsain yis.

¹⁹Ngah loeuzomh jens ngos lyis choqh zis yah yoeuh, ngos jyet thank bang ngos lyis nungs tsain phuk loh.

²⁰Ngos gas yau mas yeis dvjons lo; ngah kang svkhyen dvluiq los lo.

²¹Mangso dah loq ngos lyis bat khyoq goeus. Namoq gas ngah dyenschangh jens nghuot, ngos lyis nhaiqnyen geh.

²²Mangso kuot teh namoq ngos lyis chamus shoeuhshih chah goh? Namoq ngos lyis shoenk zis ma geh shih lhyeh?

²³Dvyuk yuk lyis ngos taiq dang soh nhang mes. Maussauh buk mas comh toh nhang mes.

²⁴Nghuot ya ngah dang lyis luk mas zuszoe yah thwang tap toh das: housoeh hau lhaih toh zis gas vcaiq vto joq das.

²⁵Nghuot laus eq maukhung mha khyuot yoeus soeu nyeis yvlyis ngos seq. Nyang gas ngos lyis khomp das xiklyis thang thank thuq los das.

²⁶Ngah shohyeis lyis noslom yah dye zo thang lhyi yangh haih gungsdom mas ngos Mangso lhyi nyvng shih das.

²⁷Ngos nyang lyis ngvnyang nyoqjeih yah nyvng das, nyang gas lvbaus teh ma nghuot das. Ngos womh cho dyoq tyamp: khasoeh ge lyis nvng taiq zis gas,

²⁸Yang nyang lyis khasoeh yoh shoenk das? Namoq gas ngos lyis zan das zis jyamp gus tsain xo.

²⁹Nghuot laus eq gvshih gas moengsa lhyi gyuk geh. Hau moengsa ka yaunos thoq mas Mangso dah nhaiqyo cho she los zis nghuot. Housoeh las soetuon das soeu bos yvlyis nvng seq das, ge.