Read Achang YOBA 26 Bible Online

YOBA 26 - Achang bible

YOBA 26

¹Nvng ngos lyis ma pangh jus - ngos gas yomnhuk las shohjyen soeu nghuot.

³Nvng ngos teh koh soeu lhyi hou iq gis dah joeui dyei las nah seqcho gvm dyei.

⁴Haih dang taiq das nyhenshang nvng lyis hank pangh? Heisoeh taiq das zis nvng lyis soq hank muot kat dyei lah?

⁵Sidyos gas nyeis khau jeis mas gyuk nvn nyeis.

⁶Shei mau gas Mangso xikkhonh mas phank toh; nyah nyoqlvtjvng mas hauh zis gos vnghop ma bos.

⁷Mangso ka mautsung pheh maukhung lhyi tyo kat las, nyeisjvng lyis cha yah ma tanh yvmas lhangh toh.

⁸Jyommauh mas jeis lyis tyink las hau lyei dah jeis ma buk thuq loh shoq zwi toh soeu ka Mangso nghuot.

⁹Nyang lhamhmuh lainh yvlyis jyommauh nungsthank, hwankti tank mas shung toh.

¹⁰Nyang jeis thoq mas mauyvm khomh jyiq toh las houka chuot zis yahge bvng zis kangh toh dah vkhomp nghuot.

¹¹Nyang maukhung lhyi thuk toh dah zains lyis nyho lhyi, nyamoq gyuk las ko zis yah tsain nvn nyeis.

¹²Nyah yom yah thomh lyis ung, nyah dah lyes cho yah Rahab mvnjung lyis yoh mhont.

¹³Nyah soq yah maukhung lhyi lhyang shoq kuot. Nyah loq yah phang luiq loh dah mvnjung lyis sat.

¹⁴Haih zis gas nyah yomsoq vsoh dvnghuot, yang xauhgyo ku dah nhuotsot dvnghuot. Mangso jyoengh kha iq kuhxing yvlyis hank yoh seq, ge.