Read Achang YOBA 27 Bible Online

YOBA 27 - Achang bible

YOBA 27

¹Ngah lyi jus cho lhyi ngoek las ngah kang dwis cho lhyi khoh shoq kuot dyei, dwis nyeis Yomzains Mangso mha ngos maukhi.

³Mangso ngos lyis soq dyei toh dvchank,

⁴ngah nhuotkuk gas ma gis zis khanhamp eq cha ma taiq das. Ngah lhyo khanhamp eq hwah dang ma taiq kyoh das.

⁵Ngos namoq jus oen khanhamp eq ma taiq das. Ngos yobos ma bos cho ngos shei buisnyeis jweh shoq tungh taiq das.

⁶Ngos dan das oen taiq goeus cho lhyi khanhamp eq ma katkhyoq das. Ngah sohseq ehnyet gas shang shang nghuot.

⁷Ngos lyis loqyom tyonh bang yahge ngos lyis tyi lha zan bang dvnganh lhung soeu yahge ma dan soeu teh joeng zis xauh bas jungh.

⁸Mangso ma bos bang xiklyis Mangso nyamoq kang lhyi yoeus tyamp shishenh lyis, nyamoq xiklyis nghamhloms chank cha bos lo lah?

⁹Yau cho los lyis Mangso ka nyamoq kaiq dung yvlyis xauhgyo dyei das lah?

¹⁰Nyamoq gas nyang dyei dah gauslaus cho lhyi omes chah. Nyamoq gas nyang lyis malyen lo shvmanh dung chah.

¹¹Mangso dah yomsoq kha iq kuh yvlyis ngos namoq lyis jyauh bah; Yomzains Mangso cha toeuq cho lhyi phui kyoh bah.

¹²Hai dvnganh yvlyis namoq nyang nyvng goeus; housoeh lyis namoq chamus hau vjyuk ma bos zis taiq goh lah?

¹³Heika thyoqzo bang, lhung bang lyis Yomzains Mangso khasoeh joeng cho nghuot.

¹⁴Nyamoq yukgislo jens nyoshoq bos das, laus eq nyamoq dvnganh jes mas gyoh das. Nyah dah lo jens kha nhamp eq ma tham zo das.

¹⁵Doeng nyeis shih bang gas nos shei das. Nyamoq shei lhyi nyamoq dah chauhmuh jens yangh ma ngaus das.

¹⁶Lhung bang gas ngwis ma thoq suon lo shoq yoh mvbeh. Dyimis eq chah thoq lyis yoh joq.

¹⁷Nghuot laus eq dius gis jens dvyhamh hauh dyimis wuot, koptoq bang dvyuk yuk hauh ngwis yoh das.

¹⁸Lhung soeu ka jvngkonh yhen teh, nghuot ya yos zungh soeu jons dah yos zvng teh yhen tsain tsuk.

¹⁹Thang thank dvlhain nyamoq gas dis zis yah yhet loh das. Nyamoq soh los lyis nyamoq dah yoh khuiq cho xo ma nyvng lo.

²⁰Gyukphoh zis gas jeisphauq soeh nyetlos nyettant zan los; nyenh lyis lyeis teh nyamoq lyis muot tangh loh das.

²¹Buisthuq lyeis yah nyamoq lyis nyamoq yhen mhayah shenh loh das.

²²Nyamoq phang luiq das zis yomkat uhlyis houka nyamoq lyis nhaiq ma nyen lo muot khyoq das.

²³Lyeis gas nyamoq wuih loh lyis muot tangh loh das.