Read Achang YOBA 35 Bible Online

YOBA 35 - Achang bible

YOBA 35

¹Yoba eh, nvng Mangso dah nyoqlvtjvng mas tswi ma bos ge taiq zis gas ma jus.

³Nvng Mangso lhyi, Ngah yaunos gas nvng lyis khasoeh zangh? Yaunos ma kuot las ngos cha vkyuh yoh, ge nyei.

⁴Ngos nvng yahge nah dyenschangh jens dang lyis phuk bah.

⁵Maukhung lhyi yoeuh kat aq, jyommauh kha iq nyhang joq!

⁶Nvng yaunos kuot lyis houka Mangso lhyi cha ma zangh. Nvng cu cho nyoshoq lhain kuot lyis hauh zis dius jens lyis dvzangh.

⁷Nvng dan zis yah Mangso lhyi pangh lhyeh? Mangso ka nah jyank mas zis cha eq ma o.

⁸Nah yaunos masyah gohyuk xauh kham zo lyis, nvng kuot dah gis cho ka nyamoq lyis pangh jus.

⁹Dius jens zaiq cho xauh lyis noskyingh, dvyuk yuk nyamoq lyis yomsoq bos bang masyah khyuot yoeus das xiklyis kaiq sang.

¹⁰Nghuot laus eq nyamoq gas nyamoq dah chuot thank shishenh lyis nghamhloms chunghthwe dyei dah gvnkhanh Soeu Mangso jyank pheh ma tauh los.

¹¹Nyamoq gas yang lyis gaunyhauq nghuot ya nghoq thoq lyis joeui zes bos shoq kuot dyei dah Mangso jyank mas ma tauh los.

¹²Nyamoq gas khwank las ma gis bang nghuot yvmvyah nyamoq lyis pangh das zis kaiq laus eq Mangso ma toeuh dyei.

¹³Kaiq ngaus zis gas nyamoq xiklyis vkyuh ma bos. Yomzains Mangso ka nyamoq lyis ma nyvng dyei, ma xauhgyo dyei.

¹⁴Yoba eh, nvng Mangso lhyi ma nyvng ge taiq laus eq nvng taiq zis gyo dyei. Nvng taiq lyis nah soe ka nyah xikkhonh mas nghuot lyis, nyang ma gyo dyei, ge. Nvng nyang lyis langh chah.

¹⁵Nvng gas, Mangso ma joeng, nyang yaunos lyis dvtsiq dvyoeuh ge nghamh.

¹⁶Nvng tsoq taiq loh das zis gas nah xiklyis vkyuh ma bos. Nvng cha taiq nyeis zis nvng ma seq zis gas bvng bvng nghuot.