Read Achang CHUNGH 1 Bible Online

CHUNGH 1 - Achang bible

CHUNGH 1

¹Lhung bang dah xam yvmas ma suh ma e, yaunos dap bang cho mha ma yap, jwangh bang dah huom mha ma bos tsung soeu ka ngelhoq.

²Nyang gas YHENSAIN dah lyi mas xihhonh pyo lha nyah lyi lyis nyeih nyenh nghamh yoeuh soeu nghuot.

³Hauh soeu ka jeisyvm mas tsungh toh, nyah shishenh yah nyang vshih shih las vhuq eq ma nyhauh dah saiqzains teh nghuot. Nyang kuot zis dvnganh kuhxing jebais los das.

⁴Lhung bang gas housoeh ma nghuot; lyeis yah muot tangh dah phihsan teh dvnghuot.

⁵Housoeh las lhung bang gas soetuon buisnyeis lyis joeng zis xauh das, yaunos dap bang gas dan bang dah huom mha ma yoh yap das.

⁶Khasoeh ge lyis dan bang dah cho lhyi YHENSAIN seq. Lhung bang dah cho ka dyoqbis tyamp das.