Read Achang CHUNGH 101 Bible Online

CHUNGH 101 - Achang bible

CHUNGH 101

¹Ngah chunghthwe ka lyi jus cho yahge dang jyoeng cho nghuot. YHENSAIN eh, hauh zis yah ngos nvng lyis chunghthwe kat das.

²Ngos yobos ma bos khyvlyis kang dwis nyeis das. Nvng ngah jyank mas khanhamp los das lah? Ngos ngah yhen mha lhoqshang khyvlyis kang dwis nyeis das.

³Ngos ma gis muh lyis khanhamp eq ma lhom yoeus das; ngos Mangso jyank masyah nungs doms loh bang dah muh lyis hoeng; nyamoq ngos yah ma yoh dapgoh.

⁴Ngos guih cho cha ma kuot das; ma gis cho lhyi ma kuot das.

⁵Ngos gohyuk dah ma gis cho loeusmus soeu lhyi thyuk tyamp das. Khwank las lhoq lhoq teh kuot soeu lhyi ngos ma thoq jhen.

⁶Ngos Mangso lhyi lomluk bang lyis kyink das, hauh bang lyis ngah hwankti yhen mha nyeis nhang das. Lomluk bang lyis gas ngos lyis phuqsoe das toeuh dyei das.

⁷Seq hwah soeu ka, ngah hwankti yhen mha ma yoh nyeis. Gis guons seq kuot soeu eq ngah xikkhonh mas ma yoh doengs.

⁸Ngos, yah mau mas lhung bang lyis dvnyeih dvnyeih mhont das. Ma gis bang dvnganh lyis YHENSAIN dah wus masyah shank shoq ngos nvp yau nvp khat tyamp das.