Read Achang CHUNGH 110 Bible Online

CHUNGH 110 - Achang bible

CHUNGH 110

¹YHENSAIN ngah yhensain hwankti lhyi taiq zis gas, Ngos nah jeswus lyis nah nangte kuot shoq ngah loqyos shot pheh tsung toh aq, ge.

²YHENSAIN ka Zion mhayah nah yomsoq lyis chent kat dyei las, Nvng nah jeswus jens thoq mas guon aq, ge.

³Nvng nah jeswus lyis zan nyeih lyis, nah dius jens los bos zan das. Hau gyingshang boms thoq mas, nah loyvm jens nah jyank mas nvpsangh jyweh teh jweh los das.[7]

⁴YHENSAIN maukhi dangthoengh toh zis ma doms thaiq lo: Nvng gas Melkhizedek yhangteh vcaiq vto phudyei soeu nghuot, ge goeus.

⁵YHENSAIN ka nah loqyos shot pheh nghuot; nyang nhaiqyo lyis hwankti jens lyis somh nhang das.

⁶Nyang dius nyau jens lyis soetuon lha, jeszan joqyos mas mvng yah tsain dyingh das. Nyang nyeisjvng gonh dah hwankti jens lyis somh nhang das.

⁷Hwankti ka choyvm jeislo lvng mas jeis shuk das. Housoeh nyang yombos las yoh ung das.