Read Achang CHUNGH 111 Bible Online

CHUNGH 111 - Achang bible

CHUNGH 111

¹Haleluya! YHENSAIN dius jens dah moqhuom mha ngos ngah nhaiqlom dvnganh yah nyang lyis nhaiqshoqlang chungh das.

²YHENSAIN kuot cho ka kha iq mauhphoh nghuot lah! Hauh muh lyis nhaiqdoeus bang dvnganh gas hauh cho tsain seqgyo mes.

³Nyang kuot zis dvnganh gas nyoqnho ngelang yahge shoenkkhyi bos. Nyah dan cho ka vcaiq caiq joq.

⁴YHENSAIN ka yang lyis nyah mauhphoh muh ma tohnyhik nhang; nyang gas nhaiqbos, nhaiq eq seq nyen.

⁵Nyang gas nyang lyis gyukwoms bang lyis zonoms dyei; Nyang nyah thanghchvp lyis khanhamp eq ma tohnyhik.

⁶Nyang nyah dius jens lyis lvbaus dah mau dyei zis yah nyah yomsoq chixoeuq.

⁷Nyang kuot muh dvnganh gas wontang lha lyi jus; Nyah tyingtoh dang dvnganh gas yoh loms.

⁸Houka vcaiq vto goeng joq; hauh zis jyoeng lha dan khyvlyis tsain bweh nyeis.

⁹Nyang nyah dius jens lyis lhuiq kat las, nyamoq yah vcaiq vto thanghchvp toh. Nyang gas gyingshang lha yomzains bos soeu nghuot.

¹⁰YHENSAIN lhyi gyukwoms cho ka joeui dah vpom nghuot. Nyah tyingtoh dang chank kuot bang dvnganh gas gis dah seqgyo cho yoh. Nyang gas vcaiq vto chungh mon soeu nghuot.