Read Achang CHUNGH 112 Bible Online

CHUNGH 112 - Achang bible

CHUNGH 112

¹YHENSAIN lhyi chungh! YHENSAIN lhyi gyukwoms las, nyang tyingtoh dang chank kuot yvmas nhaiqdoeus soeu ka ngelhoq.

²Dius gis dah lo jens gas hauh mau mas yomsoq bos das; nyah diusjangh caiq gas shvmanh yoh das.

³Nyah yhenbang gas yohzo yohshuk las dis cho bos das. Nyang dvcaiq gonh nyeisgis yaplhoq das.

⁴Nhaiq seq nyen bang, nhaiqbos bang yahge lyi jus zis kuot bang ge, dius gis jens xiklyis mauchuotdwang mas bvng zis bvng los das.

⁵Jyehjuh kuot mes las jyeih nghoh dyei soeu ka ngelhoq, ngwisxo cho mha dan khyvlyis kuot soeu ka ngelhoq.

⁶Nyang khanhamp eq ma lop ma loeh das. Nyang lyis vjangh soh das.

⁷Nyang ma gis loeus lyis ma gyuk; nyah lomsjingh cho goeng, nyang YHENSAIN lhyi loms.

⁸Nyang ma chiqh ma gyuk, nyah jeswus somh loh zis lyis vlhomuh nyvng das.

⁹Nyang nyungs bang lyis shot shot dyei gvm. Nyah nhaiqnyen cho ka vcaiq vto goeng joq; Nyang gas yomsoq bos las tsain phauh nyang.

¹⁰Lhung bang haih zis nyvng las nhaiqyo; Nyamoq hoeng zis yah yoeuh lho lha dyuk loh. Nyamoq dah nghamhloms cho vcaiq vto thank tyamp.