Read Achang CHUNGH 113 Bible Online

CHUNGH 113 - Achang bible

CHUNGH 113

¹YHENSAIN lhyi chungh! YHENSAIN dah jyeidwis jens eh, nyah nyings lyis chungh geh.

²YHENSAIN nyings gas gvshih eq vcaiq vto eq chungh zis xauh bas jungh.

³Buisthuq masyah buiswvng jweh shoq YHENSAIN nyings lyis chungh geh!

⁴YHENSAIN ka dius nyau dvnganh thoq mas guon nyeis. Nyah phunk maukhung thoq mas nghuot.

⁵Ngamoq dah YHENSAIN Mangso teh zis hank ma bos. Nyang gas nyhang thank thoq mas nyeis.

⁶Nyang gas maukhung yahge nyeisjvng lyis yoeuh das ge, nyang gop gyoh los.

⁷Nyang gas shohjyen bang lyis pangh, nyungs bang lyis pangh las nyamoq dah kang dwis cho lhyi nyhang nhang.

⁸Zau jens dah dyenschangh duot nhang, nyah dius jens dah zau jens yah toh.

⁹Nyah yhen mha lo ma bos dah yhensain nyhiq lyis nyoqnho ngelang toeu dyei; nyang lyis loshang jens dyei zis yah pyo nhang. YHENSAIN lhyi chungh!