Read Achang CHUNGH 115 Bible Online

CHUNGH 115 - Achang bible

CHUNGH 115

¹Ngamoq lyis ma nghuot, YHENSAIN eh, ngamoq lyis ma nghuot: nah mathank magons jyetdap cho yahge nah wontang cho gvng mas nvng lyis kyingh nyoqnho ngelang dyei chah.

²Dius nyau jens chamus, Nah Mangso khalhye nyeis lah, ge sang das lah.

³Ngamoq Mangso ka maukhung mha nyeis; nyang o zis dvnganh nyang kuot nyeis.

⁴Nyamoq dah phvra gas ngwis yahge xing yah kuot toh, dius loq yah dvkuot.

⁵Nyamoq nhuot dap laus eq ma yoh taiq, nyoqjeih dap laus eq ma yoh nyvng.

⁶No dap laus eq ma xauhgyo, nho dap laus eq ma yoh nam.

⁷Nyamoq loq dap laus eq ma zwi, khyei dap laus eq ma yoh suh: nyamoq thwe ma yoh thuq.

⁸Hauh yvlyis kuot toh bang yahge, hauh yvlyis loms bang dvnganh gas phvra teh bweh bas jungh.

⁹Israel dius jens eh, YHENSAIN lhyi loms geh, nyang namoq lyis pangh dyei, gos dyei.

¹⁰Mangso dah phudyei bang eh, YHENSAIN lhyi loms geh. Nyang gas namoq lyis pangh dyei, gos dyei.

¹¹YHENSAIN lhyi paiq bang dvnganhmoq eh, nyang lyis loms geh. Nyang gas namoq lyis pangh dyei, gos dyei.

¹²YHENSAIN ka yang lyis soh las shvmanh dyei das; nyang gas Israel dius jens yahge Mangso dah phudyei bang dvnganhmoq lyis shvmanh dyei das.

¹³Nyang gas YHENSAIN lhyi phauh nyang bang yuk khanghmuh, ngislo kuhlo lyis dvyih shvmanh dyei das.

¹⁴YHENSAIN ka namoq lyis lo jens dyei bas jungh; namoq yahge namoq dah lo jens lyis je los nhang bas jungh.

¹⁵Nvng gas maukhung yahge nyeisjvng lyis kuot dah YHENSAIN yah shvmanh dyei zis xauh bas jungh.

¹⁶Maukhung ka YHENSAIN yah kyingh dvsen, nghuot laus eq nyang nyeisjvng gas dius lyis dyei toh.

¹⁷Shei bang yahge tsingtsam mau mas gyoh loh bang gas YHENSAIN lhyi yoh chungh zis ma nghuot.

¹⁸Nghuot laus eq yang kang dwis nyeis bang gas YHENSAIN lhyi gvshih masyah vcaiq caiq nhaiqshoqlang chungh goh. YHENSAIN lhyi chungh!