Read Achang CHUNGH 12 Bible Online

CHUNGH 12 - Achang bible

CHUNGH 12

¹YHENSAIN eh, pangh aq, Mangso lhyi gyukwoms bang ma bos lo, cangsoeu lo jens mas lomluk bang thank tyamp goeus.

²Yuk khanghmuh nyah yhenkyoh lyis hwah las, mhuih chungh dah nhuotkuk yahge ehnyet aiq ja yah tsain taiq.

³YHENSAIN ka mhuih chungh dah nhuotkuk yahge moengs dah lhyo lhyamh tyamp bas jungh.

⁴Nyamoq gas, Ngamoq dah lhyo yah ngamoq ung das, ngamoq dah nhuotkuk gas ngamoq nyang zis nghuot: ngamoq dah svra hank nghuot, ge.

⁵Nyungs bang zaiq zis xauh las shoeuhshih zis xauh bang noskyingh nyeis yvmvyah, ngos gvshih toq loh das ge YHENSAIN taiq. Ngos nyamoq omes nyeis dah sam cho dyei das, ge.

⁶YHENSAIN dah dangthoengh gas gyingh: Tsoh tsau mha shonh las, nyhet lhain shauq goeus dah ngwis teh nghuot.

⁷YHENSAIN eh, nvng ngamoq lyis gvshih haq caiq mas dah lhung bang masyah vjangh zungh dyei aq, ngamoq lyis vjangh gomh dyei aq.

⁸Cangsoeu lo jens mas lhung bang dvkhauyah nyeis las, ma gis cho lhyi yuk khanghmuh chungh nyeis.