Read Achang CHUNGH 129 Bible Online

CHUNGH 129 - Achang bible

CHUNGH 129

¹Israel jens eh, namoq dah jeswus jens gas namoq loyvm yoq lyis yah namoq lyis khasoeh shoeuhshih zis ngamoq lyis taiq kyoh geh.

²Ngos loyvm yoq lyis yah ngah jeswus jens gas ngos lyis svsoh shoeuhshih goeus, nghuot laus eq nyamoq ngos lyis ma ung, ge.

³Nyamoq ngah gvnungh mas jap dyei las hauh dvm-yos gas yos phuk vkhyoh teh dwvng joq.

⁴Nghuot laus eq dan dah YHENSAIN ka ngos lyis jons duot yvmvyah lhuiq kat.

⁵Zion lhyi hoeng bang dvnganh gas somh zis yah khat tyamp zis xauh bas jungh.

⁶Nyamoq dvnganh gas yhenkhung mha yuk las ma kuh shih lyis nyhauh loh dah mhanh teh bweh bas jungh.

⁷Hauh zis hank ma yhomh, hank ma yet dain loh.

⁸Houcho lai loh bang hank eq, YHENSAIN nvng lyis shvmanh dyei bas jungh! Ngamoq eq YHENSAIN nyings yah nvng lyis shvmanh dyei, ge ma sang.