Read Achang CHUNGH 130 Bible Online

CHUNGH 130 - Achang bible

CHUNGH 130

¹YHENSAIN eh, loh thank yomgyau masyah ngos nvng lyis lui.

²YHENSAIN eh, ngos kaiq thwe gyo dyei aq; ngos lyis pangh das xiklyis dung zis jenh nhaiqnyen aq.

³YHENSAIN eh, nvng ngamoq dah yaunos comh toh lyis gas, nvng dang thang thyet masyah hank yoh phang luiq das lah?

⁴Nghuot laus eq nvng ngamoq lyis yobos khyuot dyei las gyukwoms zis yah nah domsyos gyo chah.

⁵Ngos YHENSAIN pangh das yvlyis nhaiq wvng wvng langh nyeis, ngos nyah dang lyis loms toh.

⁶Ngos YHENSAIN lhyi langh zis gas, zungh bang mau buh los das yvlyis langh thoq lyis zes nhaiq wvng nyeis. Zungh bang mau buh los das yvlyis langh thoq lyis nghuot.

⁷Israel eh, YHENSAIN lhyi loms aq: khasoeh ge lyis nyah jyetdap zis gas mathank magons nghuot. Nyang gas vjangh yah khyuot yoeus mes.

⁸Nyang gas nyah dius jens Israel lyis nyamoq dah yaunos dvnganh masyah khyuot yoeus das soeu nghuot.