Read Achang CHUNGH 136 Bible Online

CHUNGH 136 - Achang bible

CHUNGH 136

¹YHENSAIN ka gis yvmvyah nhaiqshoqlang sang geh; nyah jyetdap cho ka vcaiq vto joq.

²Mangso jens dah Mangso lhyi nhaiqshoqlang sang geh, nyah jyetdap cho ka vcaiq vto joq.

³Yhensain jens dah YHENSAIN lhyi nhaiqshoqlang sang geh, Nyah jyetdap cho ka vcaiq vto joq.

⁴Nyang kyingh kuhxing dah yomsoq muh tsain kuot; nyah jyetdap cho ka vcaiq vto joq.

⁵Nyang nyah joeui yah maukhung lhyi kuot toh; nyah jyetdap cho ka vcaiq vto joq.

⁶Nyang nyeisjvng lyis jeisnoq thomh thoq mas kuot toh; nyah jyetdap cho ka vcaiq vto joq.

⁷Nyang buis yahge lhamhmuh lyis kuot toh; nyah jyetdap cho ka vcaiq vto joq.

⁸Buis gas nyeih lyis guon das nyhenshang nghuot; nyah jyetdap cho ka vcaiq vto joq.

⁹Lhamhmuh yahge kyi jens gas nyenh lyis guon das nyhenshang nghuot; nyah jyetdap cho ka vcaiq vto joq.

¹⁰Nyang Egutu bang dah yukgis loxeih jens lyis sat; nyah jyetdap cho ka vcaiq vto joq.

¹¹Nyang Israel dius jens lyis Egutu mau masyah shwih thuq los; nyah jyetdap cho ka vcaiq vto joq.

¹²Nyah yombos dah loq, nyah yomsoq bos loqyom yah shwih los; nyah jyetdap cho ka vcaiq vto joq.

¹³Nyang Thomh Nes lyis thyet kangh; nyah jyetdap cho ka vcaiq vto joq.

¹⁴Nyang nyah dius jens lyis houcho shwih lai los; nyah jyetdap cho ka vcaiq vto joq.

¹⁵Nghuot laus eq nyang Egutu hwankti yahge nyah jesphung lhyi jeis mas nyhop tyamp; nyah jyetdap cho ka vcaiq vto joq.

¹⁶Nyang nyah dius jens lyis mhanhdyvp cho shwih los; nyah jyetdap cho ka vcaiq vto joq.

¹⁷Nyang yomsoq bos dah hwankti jens lyis sat; nyah jyetdap cho ka vcaiq vto joq.

¹⁸Nyang nyings hoeuh dah hwankti jens lyis sat; nyah jyetdap cho ka vcaiq vto joq.

¹⁹Houka Amori hwankti Sihon; nyah jyetdap cho ka vcaiq vto joq.

²⁰Bashan hwankti Og moq nghuot; nyah jyetdap cho ka vcaiq vto joq.

²¹Nyang hauh bang dah mau nyah dius jens lyis dyei; nyah jyetdap cho ka vcaiq vto joq.

²²Nyang hauh mau nyah jyeidwis, Israel jens lyis dyei; nyah jyetdap cho ka vcaiq vto joq.

²³Ngamoq somh loh lyis nyang ngamoq lyis ma tohnyhik; nyah jyetdap cho ka vcaiq vto joq.

²⁴Nyang ngamoq lyis ngamoq dah jeswus masyah khyuot kat; nyah jyetdap cho ka vcaiq vto joq.

²⁵Nyang gas dwis ya dwis yvlyis zonoms dyei; nyah jyetdap cho ka vcaiq vto joq.

²⁶Maukhung Mangso lhyi nhaiqshoqlang sang geh, nyah jyetdap cho ka vcaiq vto joq.