Read Achang CHUNGH 137 Bible Online

CHUNGH 137 - Achang bible

CHUNGH 137

¹Ngamoq Babilon mau, jeislvng yvm mas tsung toh; houmha ngamoq Zion lhyi soh las ngaus.

²Ngamoq dah toenk lyis hauh vnvm mas dah gyvlung zains mas dvtsain lhangh toh.

³Houmha ngamoq lyis shwih jons loh bang chunghthwe sang. Ngamoq lyis shwih jons loh bang, nyamoq lyis shvpyo geh ge sang. Zion dah cho ngamoq lyis chunghthwe kat kyoh geh, ge.

⁴Ngamoq lvbaus mau mas nyeis las YHENSAIN lhyi chunghthwe ma yoh kat das lah.

⁵Yerusalem eh, ngos nvng lyis tohnyhik lyis gas, ngos khanhamp eq toenk ma yoh doms bat lo bas jungh.

⁶Ngos nvng lyis ma soh, nvng gas ngos gauslaus thank cho nghuot oen ma nghamh lyis gas, ngos khanhamp eq chunghthwe ma yoh doms kat lo bas jungh.

⁷YHENSAIN eh, Yerusalem lyis nyhik loh nyeih lyis Edom dius jens khasoeh kuot yvlyis soh dyei aq. Nyamoq gas, Nyeisjvng mas jweh shoq thyoq khyoq geh ge khasoeh sang yvlyis soh dyei aq.

⁸Babilon eh, nvng gas dyoqbis das. Nvng ngamoq lyis kuot zis yah dvyhangteh nvng lyis lvto yoh phuk soeu ka ngelhoq.

⁹Nah lonoeuh jens lyis yoeus las lukzains mas thungh thyi dyei soeu ka ngelhoq.