Read Achang CHUNGH 138 Bible Online

CHUNGH 138 - Achang bible

CHUNGH 138

¹YHENSAIN eh, ngos ngah nhaiqlom dvnganh yah nvng lyis nhaiqshoqlang sang; mangso jens dah xikkhonh mas ngos nvng lyis chunghthwe kat las chungh das.

²Nah mathank magons jyetdap cho yahge wontang cho gvng mas ngos nah gyingshang Yhenmuh pheh xoeu, gop las nah nyings lyis chungh das: khasoeh ge lyis nvng nah nyings yahge nah tyingtoh dang kuh thank yvlyis chixoeuq goeus.

³Ngos lui lyis nvng ngos lyis toeuh dyei; nah yom yah ngos lyis yombos nhang.

⁴YHENSAIN eh, nyeisjvng hwankti dvnganh nvng lyis chungh das: khasoeh ge lyis nyamoq nah dangthoengh xauhgyo goeus.

⁵Nyamoq gas nvng khasoeh kuot dyei goeus cho yahge nah kuhxing phunk cho lhyi chunghthwe kat das.

⁶Nvng gas nyhang thank thoq mas nyeis laus eq, nhaiqlom nyhen mha gyoh bang lyis gomh toh; khwank bang nvng lyis ma yoh tamh.

⁷Ngos lyis yaukyenh cho yah lhaink toh lyis nvng ngos lyis jesluiq nhang. Nhaiqyo dah ngah jeswus lyis zan dyei, nah yomsoq yah ngos lyis khyuot yoeus.

⁸Nvng dangthoengh toh zis dvnganh kuot dyei das; YHENSAIN eh, nah jyetdap cho ka vcaiq vto joq las, nvng xi toh dah muh kuot tyink dyei aq.