Read Achang CHUNGH 140 Bible Online

CHUNGH 140 - Achang bible

CHUNGH 140

¹YHENSAIN eh, ngos lyis ma gis bang masyah khyuot yoeus aq. Bat goh sat goh bang masyah jesluiq shohluiq gomh kat aq.

²Nyamoq gas vjangh ma gis zis lhaink, vjangh dyoqgoh cho lhoeu thuq.

³Nyamoq dah lhyo shei nhang dah lhangnyis teh nghuot. Nyamoq dang gas lhangnyis duk yah doeusgoh. (Selah)

⁴YHENSAIN eh, ngos lyis lhung bang yomsoq masyah gos toh dyei aq; Ngah khyei nyih bas jungh ge lhaink dah lhuotzo bang masyah gomh dyei aq,

⁵Khwank bang ngos lyis lhyik thung toh; nyamoq ngos lyis twih khyoq toh; ngos loh dah cho chank yah ngos lyis lhyik thung toh. (Selah)

⁶Ngos YHENSAIN lhyi, Nvng ngah Mangso nghuot: YHENSAIN eh, ngos nvng pangh das cho dung yvlyis gyo yoeus dyei aq, oen.

⁷Ngah Yomzains YHENSAIN, yombos dah ngah khyuot yoeus soeu, moengzan yvmas nvng ngos lyis gos toh dyei.

⁸YHENSAIN eh, lhung bang nyamoq omes yvlyis vdyei; nyamoq lhaink cho lhyi v ung nhang. (Selah)

⁹Ngah jeswus lyis ung cho vdyei; nyamoq ngos lyis tyi lha kyuk cho ka nyamoq thoq mas gyoh bas jungh.

¹⁰Nyigywe nyamoq thoq mas gyoh bas jungh. Nyamoq gas dwang mas khyoq zis xauh las khanhamp eq ma yoh toq lo bas jungh.

¹¹Gohyuk lyis ma jus khyvlyis kauq bang ma ung bas jungh. Ma gis cho ka lhuotzo bang lyis duons las nyamoq lyis mhont tyamp bas jungh.

¹²YHENSAIN ka nvng shohjyen bang dah soe lhyi, nyungs bang dah toeuh lyis khomp dyei das yvlyis ngos seq.

¹³Dan bang gas nvng lyis jyoengh chungh das; nyamoq nah xikkhonh mas nyeis das.