Read Achang CHUNGH 141 Bible Online

CHUNGH 141 - Achang bible

CHUNGH 141

¹YHENSAIN eh, ngos nvng lyis lui; gvshih ngos lyis pangh dyei aq. Ngos nvng lyis lui lyis jenh gyo yoeus dyei aq.

²Ngos shvmanh dung zis xangh shom teh, ngah loq toeu zis gas nyenhthang dah phudyei teh lhom yoeus dyei aq.

³YHENSAIN eh, ngah nhuot lyis zungh dyei aq: ngah nhuotkuk khomh lyis yoeuh zungh dyei aq.

⁴Ngos ma gis yvlyis kuot mes cho mhayah gos dyei aq. Ma gis bang dah lhung cho mha ma bos tsoq loh das xiklyis gos dyei aq. Ngos ma gis bang dah zo pwe mha ma bos zo bas jungh.

⁵Dan soeu ngos lyis shohgyo zis yah yobos dyei las lyuk goeus jungh, nghuot laus eq ngos ma gis bang dah chungh cho lhyi khanhamp eq ma lhom yoeus. Khasoeh ge lyis ngos vjangh nyamoq kuot cho lhyi tyi lha shvmanh dung nyeis.

⁶Nyamoq dah guon bang gas luktyoq mas doeuh khyoq zis xauh lyis, dius jens ngah dang jus yvlyis rhen das.

⁷Nyeisjvng lyis phuk thyi toh teh nyamoq shohyau gas lop nhuotkhonh mas she sanh toh.

⁸Nghuot laus eq ngah Yomzains YHENSAIN eh, ngos nvng lyis loms toh. Ngos gas gos dyei cho xo nyeis, ngos lyis vshei loh nhang.

⁹Nyamoq ngos lyis thung dah lhyik masyah gos toh dyei aq. Ma gis zis kuot bang dah lhyik masyah eq gos toh dyei aq.

¹⁰Ngos jesluiq shohluiq lai loh uhlyis, lhung bang gas nyamoq thung lhyik mas nyamoq nyang nyih bas jungh.