Read Achang CHUNGH 142 Bible Online

CHUNGH 142 - Achang bible

CHUNGH 142

¹ Ngos YHENSAIN lhyi , Los pangh aq oen lui. Ngos nyang lyis dung.

²Ngos lop mes cho dvnganh nyah jyank mas chi e. Ngos nyang lyis ngos yau cho dvnganh taiq kyoh.

³Ngos somh bah ge lyis, ngos cha kuot chah zis nyang seq. Ngos suh cho mha ngah jeswus jens gas ngos lyis twih khyoq toh.

⁴Ngos ngah vyvm mas yoeuh lyis ngos lyis pangh das soeu hank eq ma nyvng; ngos lyis hank ma gos dyei, ngos lyis yoeuh eq hank ma yoeuh.

⁵YHENSAIN eh, ngos nvng lyis pangh aq oen kaiq; YHENSAIN eh, nvng gas ngah gos nghuot. Haih caiq lyis nvng gas ngos o zis dvnganh yah nghuot.

⁶Ngos yomgyau nyeis yvmvyah nvng ngos lyis pangh das cho kaiq lyis gyo yoeus dyei aq. Ngah jeswus jens masyah khyuot yoeus aq: nyamoq gas ngah xiklyis yom sunk bos.

⁷Ngos lyis nhaiqkuk cho mhayah lhuiq kat aq. Housoeh lyis ngos nah dius jens yah dvgeh nvng lyis chungh das. Khasoeh ge lyis nah dah gis cho ka ngah xiklyis nghuot.