Read Achang CHUNGH 143 Bible Online

CHUNGH 143 - Achang bible

CHUNGH 143

¹YHENSAIN eh, ngos shvmanh dung lyis gyo yoeus dyei aq; nah dan cho mha ngos dung dang lyis kamp gyo dyei aq. Nah wontang cho mha ngos lyis toeuh dyei aq.

²Nah xikkhonh mas hank eq ma dan yvmvyah, ngos nah jyeidwis lyis soe vtuon.

³Ngah jeswus jens ngos lyis chank khat las ngos somh loh. Nyamoq ngos lyis mauchuotdwang thung mha lhunk toh las, ngos gas gohlhain shei loh goeus bang teh nghuot nyeis.

⁴Housoeh yvmvyah ngos somh loh bah ge, ngah nhaiqlom khau mha yomgyau nyeis.

⁵Ngos lai loh goeus buisnyeis lyis soh. Nah muh dvnganh lyis nghamh yoeuh, nah loqmuh lyis nghamh suon yoeuh.

⁶Ngos ngah loq toeu lha nvng lyis shvmanh dung; tsoh kyuk yos teh ngah dyos nvng lyis jeis soeh shet nyeis. (Selah)

⁷YHENSAIN eh, ngos nghamhloms cho thank goeus, ngos lyis gvshih toeuh dyei aq. Ngos gas shei mau mas gyoh soeu teh nghuot das las nvng ngos lyis vtamh.

⁸Ngos nvng lyis loms yvmvyah, ngos lyis nah mathank magons jyetdap cho lhyi nvp yau nvp soh nhang aq. Ngos shvmanh dung dang nah jyank mas jweh los; ngos suh chah cho lhyi tuonhshet aq.

⁹YHENSAIN eh, ngos lyis gos das nyhenshang ngos nah jyank mas los, ngah jeswus masyah lhuiq kat aq.

¹⁰Nvng ngah Mangso nghuot; ngos lyis nah ehnyet chank das cho jyauh aq. Ngos lyis jyehjuh kuot zis yah jesshoh ma bos cho chank shwih loh aq.

¹¹YHENSAIN eh, nah dangthoengh yah dvyhangteh ngos lyis khyuot kat aq. Nah gis cho mha ngos lyis ngah chiqjyen masyah khyuot yoeus aq.

¹²Nvng ngos lyis jyetdap yvmvyah ngah jeswus lyis sat dyei aq. Ngos gas nah jyeidwis nghuot yvmvyah, ngos lyis zaiq bang dvnganh lyis mhont dyei aq.