Read Achang CHUNGH 144 Bible Online

CHUNGH 144 - Achang bible

CHUNGH 144

¹Ngos lyis gos toh dyei soeu YHENSAIN lhyi chungh: nyang ngos lyis jesmuh pot dyei zis yah ngos lyis moengzan das xiklyis lhyen kat.

²Nyang gas ngah gos, ngos lyis khomp dyei soeu, ngah khaugus yahge ngah khyuot yoeus soeu nghuot. Jesluiq das xiklyis ngos nyang lyis loms. Nyang dius nyau jens lyis ngah o mha toh.

³YHENSAIN eh, nvng seq dah dius yahge nvng yoeuh nyeis dah cangsoeu lo gas cha nghuot lah?

⁴Dius gas soq teh nghuot, nyah buisnyeis gas lai loh dah siyet teh nghuot.

⁵YHENSAIN eh, maukhung lhyi phank chuiq las gyoh los aq. Boms lyis tanh las hauh zis nyikhauh thuq los das.

⁶Nah jeswus jens lyis maunyoq nyik nhang zis yah sanh tyo tyamp aq. Nah nyo baiq kat zis yah nyamoq lyis phang tangh nhang aq.

⁷Nyhang thank joqyos masyah tuont kat las, jeis noq thomh masyah lang toq zis yah ngos lyis khyuot las kyoeu kat aq. Lvbaus dah yomsoq masyah khyuot kat aq.

⁸Nyamoq gas jyoeng cho khanhamp eq ma taiq, kyamp tang lha hwah nyeis.

⁹Mangso eh, ngos nvng lyis chunghthwe vsaiq kat das. Ngos nvng lyis twih ci khvt bos toenk bat zis yah chungh das.

¹⁰Nyang gas hwankti jens lyis ung nhang, nah jyeidwis Dawi lyis khyuot lhuiq kat.

¹¹Lhoeng dah ngah jeswus jens masyah ngos lyis khyuot yoeus aq. Jyoeng dang khanhamp eq ma taiq dah lvbaus yomsoq masyah khyuot kat aq, nyamoq gas kyamp tang zis yah hwah nyeis.

¹²Ngamoq dah loloeu jens loyvm yoq lyis mhanh teh kuh los bas jungh. Lonyi jens gas hwankti yhen mha tsuk toh dah yhen thunk zainsbung teh nghuot bas jungh.

¹³Ngamoq dah jyi, jyo vja ja yah dyingh bas jungh. Ngamoq dah yvng katjang mas yvnglo khyoenghsoe monssoe sot los bas jungh.

¹⁴Noeu eq dyuk loh zis ma bos, noeulo shot zis eq ma bos nyoshoq jebais los bas jungh; nyamoq talhoeu mha kaiq ngaus yenh cho ma bos bas jungh.

¹⁵Housoeh teh xauh nyeis dah dius nyau gas ngelhoq. Nyamoq Mangso ka YHENSAIN nghuot dah dius jens gas ngelhoq.