Read Achang CHUNGH 146 Bible Online

CHUNGH 146 - Achang bible

CHUNGH 146

¹YHENSAIN lhyi chungh geh! Ngah dyos eh, YHENSAIN lhyi chungh aq.

²Ngos dwis nyeis dvchank nyang lyis chungh das. Ngos dvcaiq gonh ngah Mangso lhyi chunghthwe kat das.

³Dius dah uhshe bang lyis vloms goh; dius cangsoeu hank eq nvng lyis ma yoh khyuot yoeus.

⁴Nyamoq shei lhyi tsoh duot loh; hauh nyeih lyis nyamoq nghamh toh cho dvnganh yah thank goeus.

⁵Nyang lyis pangh das zis Yakop dah Mangso lhyi yoh toh soeu, nyah YHENSAIN Mangso lhyi nges soeu ka ngelhoq.

⁶Nyang gas maukhung nyeisjvng, thomh yahge houmha bos ya bos yvlyis kuot toh. Nyang gas nyah dangthoengh lyis vjangh gomh toh.

⁷Zaiq toh zis xauh bang lyis nyang soetuon dyei, yuot bang lyis zonoms dyei. YHENSAIN ka thung lungh bang lyis phank kat.

⁸YHENSAIN ka nyoqjet bang lyis nyoq nyvng nhang; YHENSAIN ka lains loh bang lyis eq toeutoq; YHENSAIN ka dan bang lyis jyet.

⁹YHENSAIN ka ngamoq mau mas boengh duot bang lyis gos toh dyei. Chauhmuh chauhlo jens lyis pangh dyei. Lhung bang cho lhyi ka dvmhuk tyamp.

¹⁰YHENSAIN ka vcaiq vto hwankti nghuot; Zion eh, nah Mangso ka vcaiq vto guon das. YHENSAIN lhyi chungh geh!