Read Achang CHUNGH 149 Bible Online

CHUNGH 149 - Achang bible

CHUNGH 149

¹Haleluya! YHENSAIN lhyi chunghthwe vsaiq yah chungh geh; gyingshang bang dah huom mha nyang lyis chungh cho chunghthwe kat geh.

²Israel gas nyah Gvnkhanh Soeu mha gaus las, Zion lo jens gas nyamoq hwankti mha gauslaus nyeis bas jungh.

³Nyah nyings lyis goh las chungh bas jungh; jyoeu yahge toenk bat las nyang lyis chunghthwe kat bas jungh.

⁴Khasoeh ge lyis YHENSAIN ka nyah vnyau lyis nhaiqdoeus las, ehnyet nyhen mha gyoh bang lyis khyuot yoeus zis yah shunk dyei.

⁵Gyingshang bang gas phunk lyis gauslaus bas jungh; nyamoq dah yhetyos mas eq gauslaus zis yah chunghthwe tsain kaiq kat bas jungh.

⁶Nyamoq loq mas nyamoq dah tyingh sham chi lha nah chungh cho nyamoq nhuot mas kaiq chungh bas jungh.

⁷Nyamoq gas dius nyau jens lyis lvto phuk las, dius jens lyis yobos dyei bas jungh.

⁸Nyamoq hwankti jens lyis shamjvng yah, nyamoq dah nyoqnho ngelang bos bang lyis thyeq yah twih das.

⁹Nyamoq gas soetuon cho lhaih toh zis yah dvyhangteh, gyingshang bang dvnganh masyah Mangso ka nyoqnho ngelang dyei zis xauh. YHENSAIN lhyi chungh geh!