Read Achang CHUNGH 16 Bible Online

CHUNGH 16 - Achang bible

CHUNGH 16

¹Dawi dah lvkhyank dvyang Mangso eh, ngos nvng lyis khau yvmvyah ngos lyis gomh dyei aq.

²Ngos YHENSAIN lhyi , Nvng ngah YHENSAIN nghuot, ngos yoh dah gis zis dvnganh nah jyank masyah los, oen.

³Nyeisjvng thoq mas dah gyingshang bang gas, lomluk bang nghuot las ngos nyamoq lyis nhaiqdoeus.

⁴Gohtoeu mangso lhyi khyen yoeus bang nhaiqkuk cho je los nhang: ngos gas nyamoq dah lomhxangh suih lyis ma bos huot das, ngah nhuotkuk yah nyamoq dah mangso nyings ma bos yoeus das.

⁵YHENSAIN ka ngos chah zis dvnganh ngos lyis dyei. Nvng ngah vso vlho lhyi zwi toh.

⁶Ngah maukyo pyo joqyos mas jus joq; jyoengh nyang ngah vso vlho khoek khoek nghuot.

⁷Ngos lyis joeui da dyei dah YHENSAIN lhyi ngos phu das. Nyenh lyis yangh ngah ehnyet ngos lyis taiq kyingh nyeis.

⁸Ngos YHENSAIN lhyi vjangh ngah xikkhonh mas toh. Nyang ngah loqyos shot pheh nyeis yvmvyah, ngos ma lop ma loeh das.

⁹Housoeh yvmvyah, ngah nhaiqlom gausyis las, ngah dyos gauslaus nyeis. Ngos nghamhloms nyeis.

¹⁰Khasoeh ge lyis nvng ngah dyos lyis shei mau mas ma toh tyamp. Nvng nah Gyingshang Soeu dyoqbis xauh das zis ma gyo.

¹¹Nvng ngos lyis kang dwis cho tuonhshet das: nah xikkhonh mas gauslaus zis yah dyingh joq; nvng ngah xiklyis vcaiq vto pyo cho shwih los.