Read Achang CHUNGH 2 Bible Online

CHUNGH 2 - Achang bible

CHUNGH 2

¹Dius nyau jens chamus gomloeus toq das zis sont las, dius jens chamus vkom mha lhaink nyeis au?

²YHENSAIN yahge nyah coeu juot kham soeu lhyi tyi lha nyeisjvng hwankti jens yahge guon bang dvgeh huom lha taiq zis gas,

³Yang lyis twih toh cho thyet tyamp goh, nyamoq dah twih doeuh tyamp goh, tsain ge.

⁴YHENSAIN ka Maukhung mha nyah hwankti tank masyah yis las, nyamoq dah sont cho lhyi jwangh.

⁵Nyang nhaiqyo zis yah nyamoq lyis taiq das, nhaiqlom phot phot tsoeu zis yah nyamoq lyis kyuk das zis gas,

⁶Ngos ngah hwankti lhyi ngah gyingshang jing, Zion mha toh.

⁷Ngos YHENSAIN dah zaudang kyoh das: Nyang ngos lyis taiq zis gas, Nvng ngah Lo nghuot, Khvnyhik ngos nvng lyis ngah gungs masyah yaus kat.

⁸Ngos lyis dung aq, ngos dius nyau jens lyis nah vso kuot das; nyeisjvng gonh nvng xauh sain das.

⁹Nvng nyamoq lyis thyeq dunghkuq yah thyoq tyamp las, auh shonh soeu ka auh lyis khyop tyamp teh thungh thyi tyamp das.

¹⁰Housoeh las hwankti jens eh, hai zaih nhang cho lhyi gyo yoeus geh; Nyeisjvng thoq guon bang eh, xuq geh.

¹¹YHENSAIN lhyi gyukwoms zis yah phuqsoe geh, ehnyet nyhen mha gyoh zis yah,

¹²Nyang lyis paiq geh. Housoeh ma nghuot lyis gas nyang nhaiq lvnyap yo las namoq hauh cho mha dyoqbis das. Nyang lyis khau nges bang dvnganh gas ngelhoq.