Read Achang CHUNGH 20 Bible Online

CHUNGH 20 - Achang bible

CHUNGH 20

¹YHENSAIN ka chiqjyen buisnyeis lyis nvng lyis toeuh dyei bas jungh; Yakop Mangso ka nvng lyis gomh dyei bas jungh.

²Nyang gas gyingshang joqyos masyah nvng lyis pangh nhang kat las, Zion boms masyah nvng lyis bos thukxank bas jungh.

³Nah jyungshuk dvnganh lyis soh dyei las ngheq phudyei lyis lhom yoeus dyei bas jungh; (Selah.)

⁴Nyang nah ehnyet mas omes zis yah dvyhangteh dyei las, nvng joeui da cho dvnganh yvlyis ung nhang bas jungh.

⁵Nvng ung los cho mha ngamoq gauslaus zis yah kaiq las, yah Mangso dah nyings mas khyiq lyis tsain toeushap toh das. YHENSAIN ka nvng dung zis dvnganh tyink dyei bas jungh.

⁶YHENSAIN ka nyang coeu juot goeus dah hwankti lhyi ung cho dyei yvlyis gvshih ngos seq. Nyah loqyos loq yah nyang lyis ung cho zainsmuh kuot dyei zis yah gyingshang maukhung mhayah nyang lyis toeuh dyei.

⁷Dvyhamh gas nyamoq jeslhyingh lyis, dvyhamh gas nyamoq dah nyang lyis tsain loms toh. Yang gas yah YHENSAIN Mangso dah nyings lyis dvloms.

⁸Nyamoq gas thungh lains loh, ngamoq gas toq las goeng goeng dvyap joq.

⁹YHENSAIN eh, hwankti lhyi ung cho dyei aq: ngamoq lui lyis nvng ngamoq lyis gyo dyei aq.