Read Achang CHUNGH 24 Bible Online

CHUNGH 24 - Achang bible

CHUNGH 24

¹Nyeisjvng yahge houmha zis dvnganh gas YHENSAIN yah sen; mungkvn yahge houmha nyeis ya nyeis bang gas nyah zis nghuot.

²Nyang hauh yvlyis thomh jens thoq mas ci toh las, jeis thoq mas joq nhang toh.

³YHENSAIN dah jing[5] mas hank yoh doq das lah? Nyah gyingshang joqyos mas hank yoh yap das lah?

⁴Kuot loh cho yahge nghamh cho lhoqshang lha, silho lhyi ma paiq, ma jus khyvlyis mau ma khi soeu yoh yap das.

⁵YHENSAIN ka nyamoq lyis shvmanh dyei zis yah khyuot yoeus das. Mangso ka nyamoq yobos ma bos cho lhyi taiq thuq das.

⁶Haih zis gas Mangso jyank mas los bang nghuot. Yakop dah Mangso xikkhonh mas los bang nghuot. (Selah)

⁷Phunk bos hwankti yoh wvng bas jungh, khyam khomh phank hanh geh, khomh cauh jens phank geh.

⁸Haih phunk bos hwankti hank nghuot lah? Yomzains YHENSAIN, moengzan yvmas ung los YHENSAIN nghuot.

⁹Phunk bos hwankti yoh wvng bas jungh, khyam khomh phank hanh geh, khomh cauh jens phank geh.

¹⁰Haih phunk bos hwankti hank nghuot lah? Yomzains YHENSAIN, Nyang phunk bos hwankti nghuot. (Selah)